លោកស្រី​អ៊ុងសានស៊ូជីប្រាប់ តំណាងរាស្រ្តរបស់លោកស្រីថាត្រូវគិតផលប្រយោជន៍ជាតិ ជាធំ

រូបថតពីIrrawaddy

ប្រធានគណបក្សឈ្នះឆ្នោតនៃប្រទេសភូមាលោកស្រី អ៊ុងសានស៊ូជី បានព្រមានប្រាប់ទៅអ្នកតំណាងរាស្ដ្ររបស់លោកស្រីថាកុំយកតួនាទីដើម្បីអត្ថប្រយោជន៍ផ្ទាល់ខ្លួន។

ការព្រមានរបស់លោកស្រីអ៊ុងសានស៊ូជីធ្វើឡើងនៅក្នុងអំឡុងនៃសិក្ខាសាលា​រយៈមួយសប្ដាហ៍សម្រាប់​អ្នកតំណាងរាស្ដ្រជាប់ឆ្នោតដែលបានធ្វើឡើងតាំងពីថ្ងៃចន្ទ។

យោងតាមសារព័ត៌មានIrrawaddyសិក្ខាសាលានោះចូលរួមផងដែរដោយតំណាងៗរបស់ពួកយោធា។លោកស្រីអ៊ុងសានស៊ូជីបានថ្លែងទៅកាន់សិក្ខាសាលាដូចនេះថា៖ “ធ្វើជាអ្នកតំណាងរាស្ដ្រត្រូវតែខ្វល់ខ្វាយអំពីសុខទុក្ខរបស់ប្រជាជនគឺមិនត្រូវផ្ដោតសំខាន់តែទៅលើគណបក្សរបស់ខ្លួនឯងនោះទេ”។

សិក្ខាសាលានេះមានប្រធានបទសំខាន់ៗជាច្រើនក្នុងនោះនិយាយពីប្រជាធិបតេយ្យ ឋានៈជាមេដឹកនាំបញ្ហាជនជាតិដើមនិងការប្រឈមនានារបស់អ្នកតំណាងរាស្ដ្រជាប់ឆ្នោតថ្មី។

សភាជាប់ឆ្នោតថ្មីដែលមានសំលេងលើសលប់មកពីគណបក្សសម្ព័ន្ធជាតិប្រជាធិបតេយ្យរបស់លោកស្រីអ៊ុងសានស៊ូជីដែលបានចូលកាន់តំណែងកាលពីថ្ងៃទី២កុម្ភៈ ត្រូវគេរំពឹងថានឹងជួបគ្នាជាថ្មីម្ដងទៀតនៅថ្ងៃ១៧មីនា ដើម្បីជ្រើសរើសប្រធានាធិបតីនិងអនុប្រធានាធិបតី។

លោកថេនសេនប្រធានាធិបតីចាញ់ឆ្នោតបានថ្លែងអះអាងថាលោកនឹងផ្ទេរអំណាចទៅឲ្យគណបក្សឈ្នះឆ្នោតរបស់លោកស្រីអ៊ុងសានស៊ូជីនៅចុងខែមីនាផងដែរ៕

ប្រភព:Irrawaddy

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

VODEnglish.news

VODEnglish.news

Everybody Well-Informed, Everybody Empowered