[:en]អ្នកនាំពាក្យឲ្យដឹងថារដ្ឋមន្ត្រីក្រសួងយុត្តិធម៌ នៅថ្ងៃអង្គារនេះបានជួបជាមួយគណៈកម្មាធិការសិទ្ធិមនុស្សនៃសហភាពអន្ដរសភា(IPU)ដើម្បីពិភាក្សាពីបញ្ហាសិទ្ធិមនុស្សនិងសិទ្ធិសេរីភាពរបស់អ្នកតំណាងរាស្រ្តនៅកម្ពុជា ជាពិសេសទាក់ទងនឹងការចាប់ខ្លួនមន្ត្រីបក្សប្រឆាំងនិងបណ្តឹងលើតំណាងរាស្ត្របក្សប្រឆាំង។
អ្នកនាំពាក្យក្រសួងយុត្តិធម៌ លោក ជិន ម៉ាលីន ប្រាប់វីអូឌី(VOD)នៅរសៀលនេះថារដ្ឋមន្ត្រីក្រសួងយុត្តិធម៌ លោក អង្គ វង្ស វឌ្ឍានា បានជួបជាមួយគណៈប្រតិភូគណៈកម្មាធិការសិទ្ធិមនុស្សនៃសហភាពអន្ដរសភា(IPU)ដើម្បីពន្យល់អ្នកទាំងនោះពីករណីដែលអ្នកទាំងនោះចង់ដឹងទាក់ទងនឹងការចាប់ខ្លួនអតីតព្រឹទ្ធសមាជិកគណបក្សសម រង្ស៊ី ករណីតំណាងរាស្រ្តបក្សប្រឆាំង៧រូបកំពុងជាប់បណ្តឹងនៅតុលាការ ករណីលោក សម រង្ស៊ី និងករណីវាយអ្នកតំណាងរាស្រ្តបក្សប្រឆាំងពីររូប។
លោកឲ្យដឹងទៀតថាប្រតិភូគណៈកម្មាធិការសិទ្ធិមនុស្សនៃសហភាពអន្ដរសភាបានប្រាប់ទៅកាន់រដ្ឋមន្ត្រីក្រសួងយុត្តិធម៌ថាប្រតិភូនេះបានទទួលព័ត៌មានច្រើនទាក់ទងនឹងករណីទាំងនេះពីគណបក្សសង្គ្រោះជាតិ។ លោកបន្តថាក្នុងឱកាសនេះ ប្រតិភូនេះចង់ដឹងព័ត៌មានពីខាងរដ្ឋាភិបាលដើម្បីធ្វើការវាយតម្លៃការពិតដែលកើតមាននៅកម្ពុជាទាក់ទងនឹងសិទ្ធិអ្នកតំណាងរាស្រ្ត។
លោក ជិន ម៉ាលីន មានប្រសាសន៍ថាក្រសួងបានពន្យល់ប្រតិភូទាំងនោះទាំងអង្គច្បាប់និងអង្គហេតុទៅកាន់ប្រតិភូទាំងពីករណីតំណាងរាស្រ្តរបស់បក្សប្រឆាំង។ លោកលើកជាឧទាហរណ៍បញ្ជាក់ថាប្រតិភូគណៈកម្មាធិការសិទ្ធិមនុស្សនៃសហភាពអន្ដរសភាចង់ដឹងថាករណីវាយអ្នកតំណាងរាស្រ្តបក្សប្រឆាំងត្រូវអាជ្ញាធរបញ្ចប់នីតិវិធីហើយឬយ៉ាងណា។ ជាការឆ្លើយតមលោកថាករណីវាយអ្នកតំណាងរាស្រ្តនេះ សមត្ថកិច្ចនៅតែបន្តរកអ្នកពាក់ព័ន្ធផ្សេងទៀតនិងសាក្សីថ្មីៗបន្ថែមទៀត ដោយលោកថាទោះបីជាមានមនុស្សបីនាក់បានចូលសារភាពហើយក៏ដោយ។
លោកបន្ថែមថា៖ “អ៊ីចឹងទេអ្វីដែលជាចំណុចគួរឲ្យគាត់សំគាល់ គឺថាជំនួបល្អដោយសារតែព័ត៌មានដែលគាត់ទទួលពីមុនមក និងឯកសារដែលគាត់ទទួលពីមុនមក គឺថាមិនឆ្លុះបញ្ចាំងពីស្ថានភាពជាក់ស្តែងទាំងទិដ្ឋភាពនៃអង្គហេតុ និងអង្គច្បាប់ អ៊ីចឹងក្រោយពេលដែលបានទទួលការបំភ្លឺទៅយើងឃើញថាគឺពួកគាត់ទទួលបានច្រើន ទាក់ទងនឹងស្ថានភាពជាក់ស្តែងខាងផ្លូវច្បាប់និងស្ថានភាពជាក់ស្តែង”។
គួរបញ្ជាក់ថាគណៈប្រតិភូនេះក៏បានជួនជាមួយប្រធានស្តីទីគណបក្សសង្គ្រោះជាតិ កាលពីម្សិលមិញដើម្បីស្វែងយល់ពីព័ត៌មានរបស់អ្នកតំណាងរាស្រ្តនិងព្រឹទ្ធសមាជិករបស់គណបក្សប្រឆាំងមួយនេះ។ នេះបើតាមអ្វីដែលលោក កឹម សុខា បានសរសេរនៅលើទំព័រហ្វេសប៊ុករបស់លោកកាលពីម្សិលមិញ។ លោក កឹម សុខា សរសេរទៀតថាលោកបានលើកពីការធ្វើទុក្ខបុកម្នេញ ការគំរាមកំហែង ការវាយដំ ការចាប់ដាក់គុក និងការរំលោភបំពានផ្សេងៗទៀតទៅលើអ្នកតំណាងរាស្រ្តបក្សប្រឆាំងក្នុងរយៈពេលថ្មីៗនេះ។
លោក កឹម សុខា សរសេរលើទំព័រហ្វេសប៊ុករបស់លោកទៀតថា៖ “គណៈប្រតិភូនេះនឹងធ្វើការជួបទាំងសងខាង ទាំងខាងរដ្ឋាភិបាល ទាំងខាងគណបក្សប្រឆាំង ហើយគេនឹងធ្វើការវាយតម្លៃតាមក្រោយ”។
លោក កឹម សុខា ក៏បានសំណូមពរឲ្យអន្ដរជាតិជាពិសេសIPUជួយជំរុញឲ្យមានយុត្ដិធម៌សម្រាប់សមាជិកសភារបស់គណបក្សប្រឆាំងទាំងអស់គ្នាផងដែរ។
នាយកប្រតិបត្តិរបស់អង្គការឃ្លាំមើលការបោះឆ្នោតមួយហៅកាត់ថាខុមហ្រ្វែលលោក គល់ បញ្ញា មានប្រសាសន៍ថាការដែលសហភាពអន្តរសភាIPUមកកាន់កម្ពុជា ដើម្បីចង់បានការឆ្លើយតបរបស់រដ្ឋាភិបាល ចំពោះករណីចាប់ខ្លួនសមាជិកព្រឹទ្ធសភានិងការប្រើហិង្សាលើតំណាងរាស្ត្របក្សប្រឆំាង។ ប៉ុន្តែលោកថា បើរដ្ឋាភិបាលមិនបកស្រាយឲ្យបានច្បាស់ទេនឹងធ្វើឲ្យប៉ះពាល់ប្រជាប្រិយភាពលើឆាកអន្តរជាតិ។ លោកបន្ថែមថា៖ “លទ្ធផលយ៉ាងហោចណាស់ ចាប់ផ្តើមមានការលើកឡើងហើយពីអន្តរជាតិធំៗ ដែលគេចាប់អារម្មណ៍រឿងរដ្ឋសភា ហើយខ្ញុំថារឿងនិងត្រូវបានការឆ្លើយតបវិជ្ជមានពីរដ្ឋាភិបាលនិងពីសភារបស់គណបក្សប្រជាជន បើមិនអញ្ចឹងទេវាអាចធ្វើឲ្យកម្ពុជាបាត់បង់មុខមាត់លើឆាកអន្តរជាតិហើយ”។
បើតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា គណៈប្រតិភូរបស់គណៈកម្មាធិការសិទ្ធិមនុស្សសហភាពអន្តរសភាIPU ធ្វើទស្សនកិច្ចនៅកម្ពុជាចាប់ពីថ្ងៃទី១៤ដល់ថ្ងៃទី១៨ ខែកុម្ភៈ ឆ្នាំ២០១៦ ដោយជួបជាមួយប្រធានព្រឹទ្ធសភាលោក សាយ ឈុំ និងលោក ឈាង វុន ប្រធានក្រុមការងារទទួលគណៈប្រតិភូនៃរដ្ឋសភានិងមេដឹកនាំគណបក្សនយោបាយពីរគឺនាយករដ្ឋមន្ត្រីស្តីទី លោក ស ខេង តំណាងគណបក្សប្រជាជនកម្ពុជានិងប្រធានស្តីទីគណបក្សសង្គ្រោះជាតិ លោក កឹម សុខា រួមទំាងរដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍានា។
គួរបញ្ជាក់ថាសហភាពអន្ដរសភា(IPU)មានមូលដ្ឋាននៅប្រទេសស្វីសហើយបច្ចប្បន្នមានសមាជិក១៦៣ ប្រទស ។ គោលបំណងរបស់សភានេះសំដៅជំរុញឲ្យមានការលើកស្ទួយសិទ្ធិមនុស្ស លទ្ធិប្រជាធិបតេយ្យ និងបុព្វសិទ្ធិអ្នកតំណាងរាស្ត្រ៕
សរសេរមកកាន់ លោក ទូច សុខា តាមរយៈ [email protected]
[:kh]អ្នកនាំពាក្យឲ្យដឹងថារដ្ឋមន្ត្រីក្រសួងយុត្តិធម៌ នៅថ្ងៃអង្គារនេះបានជួបជាមួយគណៈកម្មាធិការសិទ្ធិមនុស្សនៃសហភាពអន្ដរសភា(IPU)ដើម្បីពិភាក្សាពីបញ្ហាសិទ្ធិមនុស្សនិងសិទ្ធិសេរីភាពរបស់អ្នកតំណាងរាស្រ្តនៅកម្ពុជា ជាពិសេសទាក់ទងនឹងការចាប់ខ្លួនមន្ត្រីបក្សប្រឆាំងនិងបណ្តឹងលើតំណាងរាស្ត្របក្សប្រឆាំង។
អ្នកនាំពាក្យក្រសួងយុត្តិធម៌ លោក ជិន ម៉ាលីន ប្រាប់វីអូឌី(VOD)នៅរសៀលនេះថារដ្ឋមន្ត្រីក្រសួងយុត្តិធម៌ លោក អង្គ វង្ស វឌ្ឍានា បានជួបជាមួយគណៈប្រតិភូគណៈកម្មាធិការសិទ្ធិមនុស្សនៃសហភាពអន្ដរសភា(IPU)ដើម្បីពន្យល់អ្នកទាំងនោះពីករណីដែលអ្នកទាំងនោះចង់ដឹងទាក់ទងនឹងការចាប់ខ្លួនអតីតព្រឹទ្ធសមាជិកគណបក្សសម រង្ស៊ី ករណីតំណាងរាស្រ្តបក្សប្រឆាំង៧រូបកំពុងជាប់បណ្តឹងនៅតុលាការ ករណីលោក សម រង្ស៊ី និងករណីវាយអ្នកតំណាងរាស្រ្តបក្សប្រឆាំងពីររូប។
លោកឲ្យដឹងទៀតថាប្រតិភូគណៈកម្មាធិការសិទ្ធិមនុស្សនៃសហភាពអន្ដរសភាបានប្រាប់ទៅកាន់រដ្ឋមន្ត្រីក្រសួងយុត្តិធម៌ថាប្រតិភូនេះបានទទួលព័ត៌មានច្រើនទាក់ទងនឹងករណីទាំងនេះពីគណបក្សសង្គ្រោះជាតិ។ លោកបន្តថាក្នុងឱកាសនេះ ប្រតិភូនេះចង់ដឹងព័ត៌មានពីខាងរដ្ឋាភិបាលដើម្បីធ្វើការវាយតម្លៃការពិតដែលកើតមាននៅកម្ពុជាទាក់ទងនឹងសិទ្ធិអ្នកតំណាងរាស្រ្ត។
លោក ជិន ម៉ាលីន មានប្រសាសន៍ថាក្រសួងបានពន្យល់ប្រតិភូទាំងនោះទាំងអង្គច្បាប់និងអង្គហេតុទៅកាន់ប្រតិភូទាំងពីករណីតំណាងរាស្រ្តរបស់បក្សប្រឆាំង។ លោកលើកជាឧទាហរណ៍បញ្ជាក់ថាប្រតិភូគណៈកម្មាធិការសិទ្ធិមនុស្សនៃសហភាពអន្ដរសភាចង់ដឹងថាករណីវាយអ្នកតំណាងរាស្រ្តបក្សប្រឆាំងត្រូវអាជ្ញាធរបញ្ចប់នីតិវិធីហើយឬយ៉ាងណា។ ជាការឆ្លើយតមលោកថាករណីវាយអ្នកតំណាងរាស្រ្តនេះ សមត្ថកិច្ចនៅតែបន្តរកអ្នកពាក់ព័ន្ធផ្សេងទៀតនិងសាក្សីថ្មីៗបន្ថែមទៀត ដោយលោកថាទោះបីជាមានមនុស្សបីនាក់បានចូលសារភាពហើយក៏ដោយ។
លោកបន្ថែមថា៖ “អ៊ីចឹងទេអ្វីដែលជាចំណុចគួរឲ្យគាត់សំគាល់ គឺថាជំនួបល្អដោយសារតែព័ត៌មានដែលគាត់ទទួលពីមុនមក និងឯកសារដែលគាត់ទទួលពីមុនមក គឺថាមិនឆ្លុះបញ្ចាំងពីស្ថានភាពជាក់ស្តែងទាំងទិដ្ឋភាពនៃអង្គហេតុ និងអង្គច្បាប់ អ៊ីចឹងក្រោយពេលដែលបានទទួលការបំភ្លឺទៅយើងឃើញថាគឺពួកគាត់ទទួលបានច្រើន ទាក់ទងនឹងស្ថានភាពជាក់ស្តែងខាងផ្លូវច្បាប់និងស្ថានភាពជាក់ស្តែង”។
គួរបញ្ជាក់ថាគណៈប្រតិភូនេះក៏បានជួបជាមួយប្រធានស្តីទីគណបក្សសង្គ្រោះជាតិ កាលពីម្សិលមិញដើម្បីស្វែងយល់ពីព័ត៌មានរបស់អ្នកតំណាងរាស្រ្តនិងព្រឹទ្ធសមាជិករបស់គណបក្សប្រឆាំងមួយនេះ។ នេះបើតាមអ្វីដែលលោក កឹម សុខា បានសរសេរនៅលើទំព័រហ្វេសប៊ុករបស់លោកកាលពីម្សិលមិញ។ លោក កឹម សុខា សរសេរទៀតថាលោកបានលើកពីការធ្វើទុក្ខបុកម្នេញ ការគំរាមកំហែង ការវាយដំ ការចាប់ដាក់គុក និងការរំលោភបំពានផ្សេងៗទៀតទៅលើអ្នកតំណាងរាស្រ្តបក្សប្រឆាំងក្នុងរយៈពេលថ្មីៗនេះ។
លោក កឹម សុខា សរសេរលើទំព័រហ្វេសប៊ុករបស់លោកទៀតថា៖ “គណៈប្រតិភូនេះនឹងធ្វើការជួបទាំងសងខាង ទាំងខាងរដ្ឋាភិបាល ទាំងខាងគណបក្សប្រឆាំង ហើយគេនឹងធ្វើការវាយតម្លៃតាមក្រោយ”។
លោក កឹម សុខា ក៏បានសំណូមពរឲ្យអន្ដរជាតិជាពិសេសIPUជួយជំរុញឲ្យមានយុត្ដិធម៌សម្រាប់សមាជិកសភារបស់គណបក្សប្រឆាំងទាំងអស់គ្នាផងដែរ។
នាយកប្រតិបត្តិរបស់អង្គការឃ្លាំមើលការបោះឆ្នោតមួយហៅកាត់ថាខុមហ្រ្វែលលោក គល់ បញ្ញា មានប្រសាសន៍ថាការដែលសហភាពអន្តរសភាIPUមកកាន់កម្ពុជា ដើម្បីចង់បានការឆ្លើយតបរបស់រដ្ឋាភិបាល ចំពោះករណីចាប់ខ្លួនសមាជិកព្រឹទ្ធសភានិងការប្រើហិង្សាលើតំណាងរាស្ត្របក្សប្រឆំាង។ ប៉ុន្តែលោកថា បើរដ្ឋាភិបាលមិនបកស្រាយឲ្យបានច្បាស់ទេនឹងធ្វើឲ្យប៉ះពាល់ប្រជាប្រិយភាពលើឆាកអន្តរជាតិ។ លោកបន្ថែមថា៖ “លទ្ធផលយ៉ាងហោចណាស់ ចាប់ផ្តើមមានការលើកឡើងហើយពីអន្តរជាតិធំៗ ដែលគេចាប់អារម្មណ៍រឿងរដ្ឋសភា ហើយខ្ញុំថារឿងនិងត្រូវបានការឆ្លើយតបវិជ្ជមានពីរដ្ឋាភិបាលនិងពីសភារបស់គណបក្សប្រជាជន បើមិនអញ្ចឹងទេវាអាចធ្វើឲ្យកម្ពុជាបាត់បង់មុខមាត់លើឆាកអន្តរជាតិហើយ”។
បើតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា គណៈប្រតិភូរបស់គណៈកម្មាធិការសិទ្ធិមនុស្សសហភាពអន្តរសភាIPU ធ្វើទស្សនកិច្ចនៅកម្ពុជាចាប់ពីថ្ងៃទី១៤ដល់ថ្ងៃទី១៨ ខែកុម្ភៈ ឆ្នាំ២០១៦ ដោយជួបជាមួយប្រធានព្រឹទ្ធសភាលោក សាយ ឈុំ និងលោក ឈាង វុន ប្រធានក្រុមការងារទទួលគណៈប្រតិភូនៃរដ្ឋសភានិងមេដឹកនាំគណបក្សនយោបាយពីរគឺនាយករដ្ឋមន្ត្រីស្តីទី លោក ស ខេង តំណាងគណបក្សប្រជាជនកម្ពុជានិងប្រធានស្តីទីគណបក្សសង្គ្រោះជាតិ លោក កឹម សុខា រួមទំាងរដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍានា។
គួរបញ្ជាក់ថាសហភាពអន្ដរសភា(IPU)មានមូលដ្ឋាននៅប្រទេសស្វីសហើយបច្ចប្បន្នមានសមាជិក១៦៣ ប្រទស ។ គោលបំណងរបស់សភានេះសំដៅជំរុញឲ្យមានការលើកស្ទួយសិទ្ធិមនុស្ស លទ្ធិប្រជាធិបតេយ្យ និងបុព្វសិទ្ធិអ្នកតំណាងរាស្ត្រ៕
សរសេរមកកាន់ លោក ទូច សុខា តាមរយៈ [email protected][:]
