រដ្ឋមន្រ្តីទេសចរណ៍បណ្តេញមន្រ្តីក្រសួងម្នាក់

រដ្ឋមន្រ្តីក្រសួងទេសចរណ៍ លោក ថោង ខុន កាលពីកន្លងទៅ​

រដ្ឋមន្រ្តីក្រសួងទេសចរណ៍ លោក ថោង ខុន បានសម្រេច​បណ្តេញមន្រ្តីម្នាក់​ដែលមានតំណែង​ជា​នាយរងការិយាល័យ​​ចេញពីតួនាទី ដោយ​អះអាង​ថា​មន្រ្តីនោះ​ល្មើសវិន័យមន្រ្តីរាជការស៊ីវិល។​

លិខិត​របស់​ក្រសួងទេសចរណ៍ចុះថ្ងៃទី​៥ខែកុម្ភៈ រដ្ឋមន្រ្តី លោក ថោង ខុន បានបញ្ជាក់ថា​ក្រសួង​​បណ្តេញនាយរង​ការិយាល័យ​សេវា​កម្សាន្ត​ទេសចរណ៍​នៃ​នាយក​ដ្ឋាន​ឧស្សាហ៍​កម្មទេស​ចរណ៍​ អគ្គនាយ​ក​ដ្ឋាន​ទេស​ចរណ៍​ លោក ឡុង ផល្លីតា ក្រម​ហេតុ​ផល​ថា​ល្មើស​វិន័យ​មន្រ្តីរាជការស៊ីវិល។ បើតាមលិខិតនោះ លោ​ក​ ឡុង​ ផល្លីតា ត្រូវ​ដក​ហូត​ឋានន្តរស័ក្តិ​និ​ង​បណ្តេញ​ចេញ​ពី​ក្របខណ្ឌ​មន្រ្តីរាជការ​ស៊ីវិល​ក្រសួង​ទេស​ចរណ៍។​

លិខិត​បញ្ជាក់​ថា​ប្រាក់បៀវត្សរ៍ ប្រាក់សោធននិវត្តន៍​និង​របប​ឧបត្ថម្ភ​ផ្សេងៗ​របស់​លោក ឡុង ផល្លីតា ត្រូវបានកាត់ផ្តាច់​និង​លុប​ចេញ​ពី​ក្របខណ្ឌ​មន្រ្តីរាជការ​ស៊ីវិល​ ចាប់ពីខែកុម្ភៈ ឆ្នាំ​២០១៦តទៅ។​

​កាលពីថ្ងៃទី​២៧ខែមករា រដ្ឋមន្រ្តីក្រសួងទេសចរណ៍បានចេញសេចក្តីសម្រេច ដោយផ្អាកការងាររបស់​លោក ឡុង ផល្លីតា ក្រោមហេតុផលថា​ដើម្បី​ម្បីដំណើរការស៊ើបអង្កេតនិងស្រាវជ្រាវលើករណីភាពមិនប្រក្រ​តីក្នុងការរៀបចំឯកសារស្នើសុំអាជ្ញាប័ណ្ណទេសចរណ៍។

វីអូឌីបានព្យាយាមទាក់ទង​រដ្ឋមន្រ្តីក្រសួងទេសចរណ៍ លោក ថោង ខុន​ តែ​មិនអា​ចសុំការ​អត្ថាធិប្បាយ​បាន​រហូត​មក​ដល់ពេលនេះ។​

នៅពេលវីអូឌីទាក់ទងទៅ រដ្ឋលេខាធិការក្រសួង​ទេសចរណ៍ លោក ទិត ចន្ថា បានបដិសេធអតា្ថធិប្បាយ​លើ​ករណីនេះ ដោយ​រុញ​ទៅ​សួរ​ផ្នែក​រដ្ឋបាលវិញ។​

វីអូឌី​មិនទាន់អាច​សុំការ​ឆ្លើយ​តប​ភ្លាមៗ​ពី​លោក ឡុង ផល្លីតា បានដែរ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ