អន្តរជាតិ

យន្តហោះមួយគ្រឿងដឹកមនុស្ស២១នាក់បានបាត់ពីរ៉ាដានៅនេប៉ាល់

ដោយ វីអូឌី
| ២៤ កុម្ភៈ ២០១៦
ម៉ោង ១៤:១៩

(រូបភាពពី BBC)

ពួកមន្ត្រីអាកាសចរណ៍និយាយថាយន្តហោះមួយគ្រឿងនៃប្រទេសនេប៉ាល់ដែលមានមនុស្សជិះ២១នាក់បានបាត់ពីប្រព័ន្ធរ៉ាដានៅពេលវាហោះទៅដល់តំបន់ភ្នំនៅភាគខាងលិចប្រទេសនេះ។

យន្តហោះ Twin Otter ជារបស់ក្រុមហ៊ុនអាកាសចរណ៍ Tara Air។ យន្តហោះនេះបានហោះចេញពីក្រុង Pokhara ទៅកាន់ក្រុង Jomsom ភាគខាងលិចប្រទេសហើយភ្លាមនោះវាបានបាត់ពីការទាក់ទង។ ពួកមន្ត្រីនិយាយប្រាប់បណ្ដាញផ្សាយព័ត៌មាន BBC ថាលើយន្តហោះនោះមានជនបរទេស២នាក់និងកុមារ២នាក់ដែរ។

អគ្គនាយកអាជ្ញាធរអាកាសចរណ៍ស៊ីវិលនៃប្រទេសនេប៉ាល់បាននិយាយថាយន្តហោះនោះថ្មីហើយពេលវាហោះឡើងគឺអាកាសធាតុល្អ។ លោកថាជាការគួរឱ្យចំលែកនិងភ្ញាក់ផ្អើល។ នេប៉ាល់ត្រូវបានកត់ត្រាជាប្រទេសពុំមានសុវត្ថិភាពល្អប្រសើរច្រើនចំពោះការធ្វើដំណើរតាមអាកាស៕

ប្រភព: BBC

នេប៉ាល់, អន្តរជាតិ

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។