ក្រុមប្រឹក្សាសន្តិសុខអង្គការសហប្រជាជាតិលើកពេលបោះឆ្នោតដាក់ទណ្ឌកម្មកូរ៉េខាងជើង

មេដឹកនាំប្រទេស​កូរ៉េ​ខាង​ជើង (រូបភាពពី Reuters)

ក្រុមប្រឹក្សាសន្តិសុខអង្គការសហប្រជាជាតិបានពន្យារពេលរហូតដល់ថ្ងៃពុធ សម្រាប់​ការបោះឆ្នោតលើ​ការដាក់ទណ្ឌកម្មទៅលើប្រទេសកូរ៉េខាងជើង ដើម្បីដាក់ទោសរបបនេះ បន្ទាប់ពីការធ្វើតេស្តនុយក្លេអ៊ែរ និងការបាញ់គ្រាប់រ៉ុក្កែតលើកទីបួនរបស់ខ្លួន។

ភ្នាក់ងារ​ព័ត៌មាន​ AFP បាយ​រាយការណ៍​ថា ដំបូង​ឡើយ ក្រុមប្រឹក្សា​សន្តិសុខ​គ្រោង​ធ្វើ​ការ​បោះ​ឆ្នោត​ពី​ការ​ដាក់​ទណ្ឌកម្ម​នេះ​កាល​ពី​ថ្ងៃ​អង្គារ ប៉ុន្តែ​អង្គប្រជុំ​បានពន្យារពេលតាមការស្នើសុំរបស់ប្រទេសរុស្ស៊ី។បេសកជនរបស់​រុស្ស៊ី​ប្រចាំ​អង្គការសហប្រជាជាតិបានបដិសេធមិនព្រម​ផ្ដល់​មូលហេតុ​សម្រាប់ការពន្យារពេលនោះ​ទេ​ តែ​អ្នក​នាំ​ពាក្យ​លោក Alexei Zaytsev បាន​បញ្ជាក់​ថា ការ​បោះ​ឆ្នោត​នោះ​នឹង​ធ្វើ​ឡើងនៅ​ថ្ងៃ​ពុធ​នេះនៅ​ម៉ោង​១០ព្រឹក​ (ម៉ោង​១០​យប់​នៅប្រទេស​កម្ពុជា​)

ដោយមានការគាំទ្រពីប្រទេសចិន គេរំពឹងថាក្រុមប្រឹក្សាសន្តិសុខ​នឹងអនុម័ត​​លើសេចក្ដី​ព្រាង​ដំណោះស្រាយមួយ​​ដែលធ្វើ​ឡើងដោយ​អា​មេរិក ដោយ​សេចក្ដី​ព្រាង​នោះ​មានគោលបំណងដោះស្រាយ​បញ្ហា កម្មវិធីអាវុធ​នុយក្លេអ៊ែរ និងមីស៊ីលផ្លោងរបស់កូរ៉េខាងជើង ដោយកាត់ផ្តាច់ប្រភពនៃរូបិយប័ណ្ណរឹង និងការទទួលបានបច្ចេកវិទ្យា។

អាមេរិកបាន​ហៅ​វិធានការជាកញ្ចប់នោះ​ថា​ជា​ការ​​ដាក់ទណ្ឌកម្មធ្ងន់ធ្ងរបំផុតសម្រាប់​កូរ៉េខាងជើង ប៉ុន្តែឥទ្ធិពល​គឺ​អាស្រ័យយ៉ាង​ខ្លាំង​​ទៅលើប្រទេសចិនដែលជាសម្ព័ន្ធមិត្តសំខាន់ និង​តែមួយគត់របស់ទីក្រុងព្យុងយ៉ាង​។

កាល​ពី​ថ្ងៃ​ទី​៦ ខែ​មករា ប្រទេសកូរ៉េខាងជើងបានធ្វើតេស្តនុយក្លេអ៊ែរលើកទីបួនរបស់ខ្លួន ហើយ​មួយ​ថ្ងៃ​ក្រោយ​មក​បាន​បាញ់បង្ហោះ​គ្រាប់រ៉ុក្កែតផ្កាយរណប ដែល​ត្រូវ​ពិភពលោកមើលឃើញថាជាការក្លែង​ថា​ជា​ការ​ធ្វើ​តេស្តមីស៊ីលផ្លោង​​។

ការធ្វើតេស្តទាំងពីរនេះត្រូវបានហាមឃាត់ក្រោម​ការ​​សេចក្ដី​សម្រេច​របស់អង្គការសហប្រជាជាតិដោយបានថ្កោលទោសចំពោះកម្មវិធីនុយក្លេអ៊ែរ និងមីស៊ីលផ្លោង របស់កូរ៉េខាងជើងថា​ជាការគំរាមកំហែងដល់សន្តិភាព និងសន្តិសុខពិភពលោក។

សេចក្តីព្រាងចុងក្រោយមួយ​នេះនឹងតម្រូវឱ្យបណ្តាប្រទេសនានា​ចាត់​​វិធាន​ការ​ដែល​ពុំ​ធ្លាប់​មាន​ពី​មុន​មកក្នុង​ការ​ពិនិត្យ​រាល់​ទំនិញទាំង​អស់​ដែល​ដឹក​​ចេញ​ពី និង​​ដឹក​ចូល​ប្រទេស​កូរ៉េ​ខាង​ជើង​ រឹតបន្តឹងការធ្វើពាណិជ្ជកម្មថ្មី និងហាម​ឃាត់​នាវាដែល​សង្ស័យថានាំយកទំនិញខុសច្បាប់សម្រាប់កូរ៉េខាងជើង។

ប្រភព​៖ Channel News Asia

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

VODEnglish.news

VODEnglish.news

Everybody Well-Informed, Everybody Empowered