រដ្ឋសភា​បើក​សិក្ខាសាលាពិគ្រោះយោបល់លើ​សេចក្តីព្រាងច្បាប់សហជីពនៅសប្តាហ៍ក្រោយ

រដ្ឋសភា​នឹង​បើក​ឲ្យ​មាន​សិក្ខាសាលា​ពិគ្រោះ​យោបល់​លើ​សេចក្តីព្រាង​ច្បាប់​សហជីពដែលធ្វើឡើងនៅថ្ងៃ​ពុធ​សប្តាហ៍ក្រោយ​។

នៅក្នុងសេចក្តីជូនដំណឹង​មួយចេញផ្សាយនៅថ្ងៃពុធនេះ​ អគ្គលេខាធិការដ្ឋានរដ្ឋសភា​បាន​ឲ្យ​ដឹងថា​គណៈ​កម្មការ​ចំពោះ​កិច្ច​នៃ តំណាង​រាស្រ្ត​គណបក្ស​ប្រជាជនកម្ពុជា​និង​គណបក្ស​សង្រ្គោះជាតិ​នឹង​បើក​សិក្ខាសាលាពិគ្រោះ​យោបល់​លើ​សេចក្តីព្រាងច្បាប់សហជីពនៅព្រឹកម៉ោង​៨ ថ្ងៃទី​៩ខែមីនា ឆ្នាំ​២០១៦ នៅវិមាន​រដ្ឋសភា។ សិក្ខាសាលានេះ​ត្រូវធ្វើឡើង​ក្រោមអធិបតីភាព​របស់​លោក ហេង សំរិន ប្រធានរដ្ឋ​សភា។ សិក្ខាសាលា​នឹង​មាន​ការ​ចូល​រួម​ពី​សមាជិក សមាជិកា​ព្រឹទ្ធសភា រដ្ឋសភា ក្រសួងការងារ តំណាង​រដ្ឋាភិបាល ដៃគូអភិវឌ្ឍន៍​ អង្គការ​ជាតិ​និង​អន្តរជាតិ​ជាដើម។​

គណៈកម្មការចំពោះ​កិច្ច​នៃ​គណបក្ស​ទាំង​ពីរ​គ្រោង​នឹង​ជួប​គ្នា​ម្តងទៀត​មុន​ថ្ងៃនៃ​ការបើកសិក្ខាសាលានេះ។​

សេចក្តីព្រាង​ច្បាប់​ស្តីពីសហជីព​នេះ​មានចំនួន​១៧ជំពូក និង​១០០​មាត្រា ហើយ​ច្បាប់​នេះ​ត្រូវ​បាន​សហជីព​ចោទប្រ​កាន់​ថា​រដ្ឋា​ភិបាល​រៀប​ចំឡើង​ទៅ​តាម​សំណើរបស់​និយោជក។ តំណាង​សហជីព​ព្រមាន​ថាបើ​សិនច្បាប់នេះ​ត្រូវ​បាន​សភាអនុម័ត​ដោយ​មិន​មាន​ការ​កែប្រែ​ទៅ​តាមអ្វី​ដែល​សហជីព​បាន​ទាម​ទារ ច្បាប់នេះ​នឹង​ធ្វើ​ឲ្យ​សហជីព​ឯករាជ្យ​ចុះ​ទន់​ខ្សោយនិង​ធ្វើឲ្យបាត់​បង់​ផល​ប្រ​យោជន៍​របស់​កម្មករ​។

រហូត​មក​ដល់ពេលនេះ សហជីពធំៗ​​នៅ​តែ​បន្ត​ស្នើ​ឲ្យ​សភានិង​រដ្ឋា​ភិបាល​បើក​ទូលាយ​ដល់​សហជីព​ក្នុង​ការ​ជួប​ពិភាក្សា​អំពី​​សេចក្តីព្រាង​ច្បាប់ស្តីពី​សហជីព បើ​ទោះ​បី​ជា​កង្វល់​របស់ពួកគេ​​មួយ​ចំនួន​ត្រូវ​បាន​ពិភាក្សានិង​កែ​សម្រួល​ដោយ​គណៈកម្មការ​ចំពោះ​កិច្ច​របស់​គណបក្ស​ប្រ​ជាជនកម្ពុជានិង​សង្គ្រោះ​ជាតិ​ហើយ​ក៏​ដោយ៕

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered