ប្រទេសម៉ិកស៊ិកមានការរីករាលដាលមេរោគផ្តាសាយH1N1ដែលពិភពលោកឲ្យឈ្មោះថាផ្តាសាយជ្រូក ហើយបានសម្លាប់មនុស្សអស់៦៨នាក់នៅក្នុងអំឡុងពេលដែលកំពុងរីករាលដាលនេះ។
របាយការណ៍របស់ក្រសួងសុខាភិបាលម៉ិកស៊ិកបង្ហាញថាមានការឆ្លងមេរោគH1N1ចំនួន៩៤៥ករណី ហើយបានសម្លាប់មនុស្សអស់៦៨នាក់ ខណៈការរាលដាលនៅតែបន្តកើតមាន។ នេះបើតាមសារព័ត៌មានChannel News Asia។
ទោះយ៉ាងណារដ្ឋាភិបាលម៉ិកស៊ិកបញ្ជាក់ថាសាលារៀននានាមិនត្រូវបិទទ្វារដោយសារតែមូលហេតុនៃការឆ្លងមេរោគផ្តាសាយនេះទេ។ រដ្ឋមន្ត្រីក្រសួងអប់រំលោក Aurelio Nuno ថ្លែងក្នុងសន្និសីទសារព័ត៌មាននៅសប្តាហ៍នេះថាម៉ិចស៊ិកមិនមែនកំពុងតែប្រឈមខ្លាំងនឹងបញ្ហាជំងឺនេះទេ ហើយមិនសមហេតុផលសម្រាប់ការបិទសាលារៀនដែរ។
បច្ចុប្បន្នអង្គការសុខភាពពិភពលោកបានបង្ហាញរបាយការណ៍ថានៅសហរដ្ឋអាមេរិកនិងនៅក្នុងប្រទេសកាណាដាក៏កំពុងរាលដាលការឆ្លងមេរោគH1N1នេះដែរ៕
