សាលារាជធានីភ្នំពេញបដិសេធដការស្នើសុំជិះកង់ដង្ហែដើម្បីអបអរសាទរទិវាសិទ្ធិនារី ៨ មីនា របស់បណ្តាញអង្គការ និងប្រជាពលរដ្ឋបឹងកក់ ដោយអះអាងថាអាចធ្វើឲ្យបះពាល់ដល់សន្តិសុខ និងសណ្ឋាប់ធ្នាប់សាធារណៈ។
ក្នុងលិខិតចុះថ្ងៃទី៧ ខែមីនា ផ្ញើជូនប្រធានបណ្តាញកម្មករធ្វើការតាមផ្ទះ អង្គការស៊ីដ និងតំណាងប្រជាពលរដ្ឋបឹងកក់ ដែលជាអ្នកស្នើសុំជិះកង់នោះ សាលារាជធានីបានលើកឡើងថា ដោយយោងតាមសេចក្តីសម្រេចរបស់អង្គប្រជុំនៅថ្ងៃទី៧ សាលារាជធានីបដិសេធមិនឲ្យមានការជិះក្បួនកង់ដង្ហែរបស់ប្រជាពលរដ្ឋចំនួនប្រមាណ៣០០នាក់ ពីមុខក្រសួងកិច្ចការនារីឆ្ពោះទៅវិមានរដ្ឋសភា ដើម្បីដាក់ញត្តិឡើយ។
លិខិតដដែលនោះបន្តថា ករណីមានការជួបជុំគ្នាជិះកង់ ឬផ្ទុយពីសេចក្តីជូនដំណឹងនេះដែលសាលារាជធានីថាធ្វើឲ្យប៉ះពាល់ដល់សន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈនោះ នឹងត្រូវទទួលខុសត្រូវទាំងស្រុងចំពោះមុខច្បាប់៕
