យ៉ាងហោចណាស់មនុស្ស៤៧នាក់បានស្លាប់ បន្ទាប់ពីរថយន្តដឹកឥន្ធនៈមួយត្រូវបានផ្ទុះឡើងកាលពីថ្ងៃអាទិត្យ នៅត្រង់ប៉ុស្តិ៍ត្រួតពិនិត្យមួយនៅក្បែរទីក្រុងហ៊ីលឡា ដែលជាទីក្រុងនៅភាគខាងត្បូងនៃរដ្ឋធានីបាកដាដ ប្រទេសអ៊ីរ៉ាក់។
បណ្ដាញផ្សាយព័ត៌មាន BBC បានរបាយការណ៍ថា ៣៩នាក់ក្នុងចំណោមអ្នកដែលស្លាប់ជាជនស៊ីវិល ហើយក្រៅពីនោះជានគរបាល។ មនុស្សរាប់សិបនាក់បានរងរបួសនៅក្នុងហេតុការណ៍ផ្ទុះនោះ។
ការវាយប្រហារនេះបានកើតឡើងក្រោយថ្ងៃត្រង់បន្តិច (ម៉ោងក្នុងស្រុក) ជាពេលដែលរថយន្តរាប់សិបគ្រឿងស្ថិតនៅឯប៉ុស្តិ៍ត្រួតពិនិត្យនោះ។
ក្រុមដែលត្រូវគេស្គាល់ថាជារដ្ឋអ៊ិស្លាមបាននិយាយនៅលើគេហទំព័រ Amag ដែលជាគេហទំព័រព័ត៌មានគាំទ្ររដ្ឋឥស្លាមថាខ្លួនជាអ្នកធ្វើការវាយប្រហារនោះ។
ប្រភព៖ BBC
