អង្គការសុខភាពពិភពលោកនៅថ្ងៃអង្គារម្សិលមិញណែនាំឲ្យស្ត្រីមានផ្ទៃពោះកុំធ្វើដំណើរទៅកាន់តំបន់ដែលកំពុងផ្ទុះរាលដាលឆ្លងមេរោគហ្សីកា ព្រោះមេរោគនេះអាចធ្វើឲ្យប៉ះពាល់ដល់ទារកក្នុងផ្ទៃ។
អង្គការសុខភាពពិភពលោកបានចេញសេចក្តីណែនាំបន្ទាប់បើកកិច្ចប្រជុំមួយស្តីពីការរាលដាលការឆ្លងមេរោគហ្សីកាយ៉ាងឆាប់រហ័យតាមរយៈមូសខាំបានបញ្ជាក់ថាស្ត្រីមានផ្ទៃពោះមិនគួរធ្វើដំណើរទៅកាន់តំបន់ដែលកំពុងផ្ទុះរាលដាលមេរោគហ្សីកាទេ។ នេះបើតាមសារព័ត៌មាន Channel News Asia។
ប្រធានអង្គការសុខភាពពិភពលោកលោកស្រី Margaret Chan បានលើកឡើងពីទំនាក់ទំនងរវាងមេរោគហ្សីកា និងស្ថានក្បាលតូចរបស់ទារកទើបកើតដោយបញ្ជាក់ថាប៉ះពាល់ដល់ខួរក្បាលរបស់ទារកទើបកើតដែលមិនទាន់មានថ្នាំបង្ការនៅឡើយ។ លោកស្រីបន្ថែមថាជាការល្អគឺស្ត្រីមានផ្ទៃពោះមិនត្រូវធ្វើដំណើរទៅកាន់តំបន់ដែលកំពុងរាលដាលមេរោគនេះទេរហូតដល់អ្នកជំនាញរកឃើញមូលហេតុច្បាស់និងថ្នាំព្យាបាលជំងឺនេះ។
បច្ចុប្បន្នប្រទេសចំនួន៩មានសេចក្តីរាយការណ៍ថាមានការរាលដាលខ្លាំងមេរោគហ្សីកា ហើយក្នុងនោះប្រទេសចំនួនពីរកំពុងជួបប្រទះទារកកើតមកមានក្បាលតួចដោយសារមេរោគហ្សីកាគឺប្រទេសបារាំងនិងប្រស៊ីល៕
