ក្រុមយោធាស៊ើបយកការណ៍របស់កូរ៉េខាងត្បូងបានរាយការណ៍ថា កូរ៉េខាងជើងបានបាញ់មីស៊ីលកម្រិតខ្លីចំនួនពីរជាថ្មីទៀតចូលក្នុងសមុទ្រខាងកើតឬសមុទ្រជប៉ុនដែលជាការដុតកម្តៅភាពតានតឹងនៅឧបទ្វីបកូរ៉េ។
យោធាកូរ៉េខាងត្បូងបានបញ្ជាក់ថាការបាញ់នោះជាមីស៊ីលកម្រិតខ្លីបាញ់ចូលក្នុងសមុទ្រខាងកើតក្នុងចម្ងាយ៥០០គីឡូម៉ែត្រ ហើយវាយបានធ្លាក់ចូលក្នុងទឹក។ នេះបើតាមសារព័ត៌មាន BBC News។
ក្រោយពេលបាញ់ភ្លាមៗទីក្រុងព្យុងយ៉ាងបានប្រកាសថារាល់កិច្ចសហប្រតិសេដ្ឋកិច្ចផ្សេងៗជាមួយកូរ៉េខាងត្បូងត្រូវលុបចោល ហើយទ្រព្យសម្បត្តិរបស់ក្រុមហ៊ុនកូរ៉េខាងត្បូងទីក្រុងព្យុងយ៉ាងនឹងលក់ចេញ។ ទ្រព្យសម្បត្តិភាគច្រើនរបស់ក្រុមហ៊ុនកូរ៉េខាងត្បូងស្ថិតនៅក្នុងតំបន់កៃសុងជាតំបន់សេដ្ឋកិច្ចរួមរបស់កូរ៉េទាំងពីរមានទីតាំងក្នុងទឹកដីកូរ៉េខាងជើង។
កាលពីខែកុម្ភៈ កូរ៉េខាងត្បូងបានជំរុញឲ្យកូរ៉េខាងជើងស្តារកិច្ចសហប្រតិបត្តិការនៅតំបន់សេដ្ឋកិច្ចកៃសុងវិញ បន្ទាប់ពីកូរ៉េខាងជើងបាញ់មីស៊ីលឆ្លងទ្វីប ហើយប្រកាសលុបចោលរាល់គម្រោងកិច្ចសហប្រតិបត្តិការ។ ទីក្រុងព្យុងយ៉ាងប្រកាសសង្គ្រាម ហើយបញ្ជាក់ថាខ្លួននឹងរៀបចំតំបន់កៃសុងទៅជាមូលដ្ឋានសម្រាប់កងទ័ពវិញ។
កាលពីថ្ងៃពុធ លោក គីម ជុងអ៊ុន មេដឹកនាំកូរ៉េខាងជើងបានថ្លែងថាអ្នកវិទ្យាសាស្ត្ររបស់ខ្លួនកំពុងរៀបចំក្បាលនុយក្លេអ៊ែឲ្យតូចសមល្មមអាចប្រើត្រូវជាមួយមីស៊ីលឆ្លងទ្វីប៕
