ចោរតាមអ៊ិនធើណែតបរាជ័យក្នុងការលួចលុយពីធនាគារ​បង់ក្លាដេស១ពាន់លានដុល្លារ

(រូបភាពពី Reuters)

ក្រុមចោរលួចតាមប្រព័ន្ធអ៊ិនធើណែតប៉ុនប៉ងលួចលុយពីធនាគារកណ្តាលរបស់បង់ក្លាដេសចំនួន​១ពាន់លានដុល្លារតាមរូបភាពវេរទៅធនាគារផ្សេងៗទៀតតែត្រូវបរាជ័យវិញបន្ទាប់​ពីមានកំហុសក្នុងការផ្ទេរ។​

មន្ត្រីធនាគារកណ្តាលរបស់បង់ក្លាដេសថ្លែងប្រាប់​ភ្នាក់ងារសារព័ត៌មានរ៉យទ័រថាក្រុមចោរនោះបានលួចចូលធ្វើលិខិតសុំផ្ទេរប្រាក់ដែលមើលទៅដូចលិខិតស្របច្បាប់។​ មន្ត្រីនេះបញ្ជាក់ថាការស្នើសុំនេះបើមិនមានការរារាំងណាមួយកើតឡើងទេក្រុមចោរនោះនឹងទទួលបានប្រាក់ប្រមាណ១ពាន់លានដុល្លារអាមេរិក។​

ទោះយ៉ាងណាការស្នើសុំនេះត្រូវបានផ្អាកវិញ​បន្ទាប់ពីធនាគារផ្សេងបញ្ជាក់ថាសំណើរនោះមានការសង្ស័យ។​ បើ​តាមកុំព្យូទ័ររបស់ក្រុមចោរនោះក្រុមជំនាញ​បញ្ជាក់ថាពួកគេធ្លាប់លួចលុយពីធនាគារប្រមាណ៨០លានដុល្លារកាលពីពេលកន្លងទៅ។​

ក្រុមដែលព្យាយាមលួចនេះបានព្យាយាមប្រមាណ១ខែមកហើយដែលក្រុមនេះបានចំណាយពេល​សិក្សាពីដំណើរការផ្ទៃក្នុងរបស់ធនាគារកណ្តាលបង់ក្លាដេស ដូច្នេះគេអាចបន្លំបុគ្គលិកធនាគារពេលដែលមានការស្នើសុំនោះ។​

ទោះយ៉ាងណាបុគ្គលិកធនាគារប្រាប់រ៉យទ័រថាមានការហៅលេខប្រតិបត្តិការនិងអក្សរមិនត្រូវទើបពួកគេសង្ស័យ​ថាក្រុមនោះជាចោរ។​ ការប្រកបខុសនេះគឺប្រកបឈ្មោះធនាគារដែលទទួលលុយគឺធនាគារ Deutsche របស់អាល្លឺម៉ង់ពេលនោះមានការស្នើឲ្យបញ្ជាក់ជាថ្មីទៀតពីធនាគារកណ្តាលហើយក៏សម្រេចផ្អាកការផ្ទេរ៕

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered