មន្ត្រីសង្គម​ស៊ីវិលថាសកម្មជនដីធ្លី២នាក់នៅខេត្តកំពង់ស្ពឺត្រូវចាប់ខ្លួន

មន្ត្រីសង្គមស៊ីវិលអះអាងនៅថ្ងៃសុក្រនេះថាតុលាការខេត្តកំពង់ស្ពឺបានចាប់ខ្លួនស្ត្រីជាសកម្មជនដីធ្លីពីរនាក់ ​នៅ​​​ភូមិថ្មី ឃុំសំរោង ស្រុកភ្នំស្រួច ខេត្តកំពង់ស្ពឺ ក្នុងជម្លោះដីធ្លីអូសបន្លាយមួយលើ​ទំហំ​ដីជាង​១០​០០​ហិ​ក​តា។

មន្ត្រីសម្របសម្រួលរបស់អង្គការលីកាដូ ប្រចាំខេត្តកំពង់ស្ពឺ លោក អ៊ុង សុមិទ្ធិ ឲ្យVODដឹងថានៅវេ​លាម៉ោង១០ព្រឹកថ្ងៃទី១១ខែមីនានេះ ស្ត្រីជាសកម្មជនដីធ្លី២នាក់ គឺអ្នកស្រី យូ រ៉ុន អាយុ៥១ឆ្នាំ និង​អ្ន​ក​ស្រី​ អ៊ីត រុំ អាយុ៥៥ឆ្នាំ ត្រូវបានសមត្ថកិច្ចចាប់ខ្លួន នៅពេលដែលពួកគេត្រូវបានតុលាការខេត្តនេះ កោះ​​ហៅ​​ឲ្យ​ចូលបំភ្លឺ នៅតុលាការ ទាក់ទិននឹងជម្លោះដីធ្លីមួយកន្លែងនៅ ស្រុកភ្នំស្រួខេត្តកំពង់ស្ពឺ។

លោក អ៊ុង សុមិទ្ធិ ឲ្យដឹងទៀតថាជម្លោះដីនៅតំបន់នោះបានកើតឡើងតាំងពីឆ្នាំ២០១០ មិនទា​ន់ត្រូ​វបាន​ដោះស្រាយទេ បើទោះបីពលរដ្ឋបានប្តឹងរកអន្តរាគមន៍ពីស្ថាប័នពាក់ព័ន្ធ រួមទាំងអង្គភាព​ប្រឆាំង​​​អំ​ពើ​​ពុករលួយផងដែរ​។ លោកថាជម្លោះដីធ្លីនោះធ្វើឲ្យប៉ះពាលល់ពលរដ្ឋ១៦៥គ្រួសារ រស់នៅឃុំតាំងសំរោ​ង ស្រុ​កភ្នំស្រួចខេត្តកំពង់ស្ពឺនោះ។

លោក អ៊ុង សុមិទ្ធិ ឲ្យដឹងដែថាការចាប់ខ្លួននោះ តុលាការអះអាងសកម្មជនដីធ្លីនោះ មិនគោរ​ពដីកា​កា​រពារ របស់តុលាការ ដែលបានចេញការពារភាគីជម្លោះ។ ប៉ុន្តែមន្ត្រីសង្គស៊ីវិលរូបនោះថាកន្ល​ងទៅ​ពលរ​ដ្ឋ​​​បា​ន​ចូលទៅធ្វើស្រែលើដីជម្លោះនោះ លោកថាដោយសារតែ​ប្រធានអង្គភាព​ប្រឆាំងអំពើ​ពុ​ក​រលួយ លោក ឱម យ៉ិនទៀង​ ធ្លាប់ចុះទៅដល់​ដីនៃតំបន់មានជម្លោះហើយបា​នប្រាប់ពល​រដ្ឋនៅតំ​បន់​នោះឲ្យបង្ក​បង្កើន​ផល​ធម្មតា បើដីជម្លោះនោះមិនទាន់ត្រូវបានដោះស្រាយ។

ភ្លាមៗនេះ VODនៅមិនទាន់ទាក់ទង មន្ត្រីតុលាការនិងភាគីជម្លោះបាននៅឡើយទេ។ ប៉ុន្តែបើតាមលោក អ៊ុង សុមិទ្ធិ ពលរដ្ឋនៅតំបន់នោះកំពុងសម្រុកធ្វើដំណើរមកភ្នំពេញដើម្បី​ស្វែងរ​កការ​ដោះលែ​ង​ពួកគេ ពីស្ថាប័នពាក់ព័ន្ធ រួមទាំងខុទ្ទកាល័យ លោកនាយករដ្ឋមន្ត្រី ផងដែរ នៅថ្ងៃសៅរ៍ស្អែកនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ