រដ្ឋសភាមីយ៉ាន់យ៉ាប្រកាសនៅថ្ងៃព្រហស្បតិ៍នេះ ក្នុងអាណត្តិថ្មីរបស់រដ្ឋាភិបាល បាន សម្រេចបន្ថយចំនួនក្រសួងអស់១៥ គឺបន្ថយពីចំនួន៣៦នៅពេលបច្ចុប្ប្ននេះ មកត្រឹម២១ ដើម្បីពង្រឹងប្រសិទ្ធភាពការងារ។
អ្នកនាំពាក្យរដ្ឋសភាមីយ៉ាន់ម៉ា ប្រកាសនៅពេលប្រជុំសភាថា ក្រសួងត្រូវកាត់បន្ថយ តាមរយៈការច្របាច់បញ្ជូលគ្នា ចំពោះក្រសួងដែលមានការងារប្រហាក់ប្រហែលគ្នាដូចជាបញ្ចូលក្រសួងថាមពលជាមួយក្រសួងអគ្គិសនី បញ្ចូលក្រសួងវប្បធម៌ជាមួយក្រសួងសាសនាជាដើម។ នេះបើតាមសារព័ត៌មាន Channel News Asia។
គណបក្សសម្ព័ន្ធជាតិដើម្បីលទ្ធិប្រជាធិបតេយ្យនៅមីយ៉ាន់ម៉ាដែលទទួលបានជ័យជម្នះភ្លូកទឹកភ្លូកដីកាលពីខែវិច្ឆិកា ឆ្នាំ២០១៥នោះ បាននិយាយកាលពីពេលថ្មីៗនេះថា ខ្លួនចង់កាត់បន្ថយចំនួនក្រសួងចំនួនពី៣៦ពេលបច្ចុប្បន្នមកត្រឹម២០ក្រសួង៕
