ប្រធានាធិបតីអាមេរិកលោក អូប៉ាម៉ា បានចុះហត្ថលេខាកាលពីថ្ងៃពុធម្សិលមិញលើលិខិតមួយបញ្ជាឲ្យអនុវត្តន៍ លើកិច្ចព្រមព្រៀងដាក់ទណ្ឌកម្មលើប្រទេសកូរ៉េខាងជើងបន្ថែមតាមក្រុមប្រឹក្សាសន្តិសុខអង្គការសហប្រជាជាតិ។
មន្ត្រីសេតវិមាននិយាយថាលោក អូបាម៉ា បានបញ្ជាឲ្យមានការត្រួតពិនិត្យពីលទ្ធភាពនៃការដាក់ទណ្ឌកម្មជាថ្មីទៀតរួមមានថាមពលហិរញ្ញវត្ថុនិងការដឹកជញ្ជូនឥវ៉ាន់។ វិធានការនេះមានការយល់ព្រមពីអង្គការសហប្រជាជាតិប្រឆាំងចំពោះកូរ៉េខាងជើងដែលបានសាកល្បងអាវុធនុយក្លេអ៊ែកាលពីថ្ងៃទី៦ខែមករានិងបាញ់មីស៊ីលឆ្លងទ្វីបកាលពីថ្ងៃទី៧ខែកុម្ភៈ។ នេះបើតាមសារព័ត៌មាន Channel News Asia។
ក្នុងលិខិតរបស់លោក អូប៉ាម៉ា បញ្ជាក់ថាការដាក់ទណ្ឌកម្មនេះមិនមានបំណងគាបសង្កត់ប្រជាជនកូរ៉េខាងជើងទេតែជាការព្រមានដល់រដ្ឋាភិបាលនៃប្រទេសនេះបានធ្វើសកម្មភាពបង្កអសន្តិសុខដល់តំបន់និងពិភពលោក៕
