អតីតប្រធានាធិបតីប៉ាគីស្ថាន​ចាកចេញពីប្រទេសនៅព្រឹក​នេះ​បន្ទាប់ពី​ដកបម្រាមធ្វើដំណើរ​

អតីតប្រធានាធិបតីប៉ាគីស្ថាន​លោក ​ផើវេស មូសារ៉ាហ្វ (រូបភាពពី AFP)

អតីតប្រធានាធិបតីប៉ាគីស្ថាន​លោក ​ផើវេស មូសារ៉ាហ្វ បានចាកចេញពីប្រទេសនៅព្រឹកថ្ងៃនេះធ្វើដំណើរទៅកាន់ទីក្រុងឌូប៉ៃដើម្បីស្វែងរកការព្យាបាលជំងឺ បន្ទាប់ពីតុលាការកំពូល​បានសម្រេចដកបំរាមការធ្វើដំណើរទៅក្រៅប្រទេស។​

មន្ត្រីព្រលានយន្តហោះ​នៅរដ្ឋការ៉ាឈី បានប្រាប់ទីភ្នាក់ងារសារព័ត៌មាន AFP ថាលោក មូសារ៉ាហ្វ បានចាកចេញ​ពីការ៉ាឈីទៅឌូប៉ៃនៅម៉ោង​៣និង៥៥នាទីព្រឹក​។​​

អតីតប្រធានាធិបតី មូសារ៉ាហ្វ កំពុងប្រឈមនឹងតុលាការកាត់ទោសពាក់ព័ន្ធនិងបទចោទក្បត់ជាតិនិង​ការសម្លាប់អតីតនាយករដ្ឋមន្ត្រី បេណាហ្សៀ ប៊ូតូ។ ​ទោះយ៉ាងណារាល់ការចោទប្រកាន់ទាំងនេះត្រូវលោក​ មូសារ៉ាហ្វ ច្រានចោលទាំងអស់ ហើយលោក​ហៅការចោទនេះគឺធ្វើឡើងក្នុងហេតុផលនយោបាយតែប៉ុណ្ណោះ។​

បច្ចុប្បន្ន​លោក​កំពុងមានបញ្ហាឈឺឆ្អឹងខ្នងដែលមិនអាចព្យាលបាលនៅក្នុងប្រទេសប៉ាគីស្ថានបាន។​ លោកថ្លែងនៅព្រលានយន្តហោះនៅការ៉ាឈីថា លោកទៅបរទេសដើម្បីព្យាបាល​ជំងឺ ហើយនឹងត្រលប់មកវិញដើម្បីចូលរួមសវនាការ។​ លោកថ្លែងថា៖ “ខ្ញុំទៅបរទេសដើម្បីទទួលការព្យាបាលជំងឺ ហើយខ្ញុំនឹងត្រលប់មកវិញ​ដើម្បី​ប្រឈមនឹងការចោទប្រកាន់ប្រឆាំងរូបខ្ញុំ។ ខ្ញុំជាអតីតកងទ័ពពិសេសខ្ញុំស្រលាញ់ប្រទេសជាតិទឹកដីកំណើតរបស់ខ្ញុំ”

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered