មជ្ឈមណ្ឌលត្រួតពិនិត្យនិងបង្ការជំងឺឆ្លងរបស់កូរ៉េខាងត្បូងបញ្ជាក់ថា ពួកគេរកឃើញមេរោគហ្សីកាកើតមានជាលើកដំបូងនៅលើបុរសម្នាក់នៅក្នុងប្រទេសមួយនេះ។
ទីភ្នាក់ងារសារព័ត៌មានរដ្ឋកូរ៉េខាងត្បូងយ៉ុងហាប់ ចុះផ្សាយថាបុរសម្នាក់ដែលគេរកឃើញថាមានផ្ទុកមេរោគនេះ មានវ័យ៤៣ឆ្នាំ បន្ទាប់ពីបុរសម្នាក់នោះធ្វើដំណើរទៅកាន់ប្រទេសប្រេស៊ីលកាលពីពាក់កណ្តាលខែកុម្ភៈនិង មីនា។ ប្រទេសប្រេស៊ីលកំពុងរាលដាលខ្លាំងនៃមេរោគហ្សីកា។
បច្ចុប្បន្នមេរោគហ្សីកាមិនទាន់មានវ៉ាក់សាំងចាក់បង្ការទេ។ កាលពីខែកុម្ភៈអង្គការសុខភាពពិភពលោកប្រកាសថា ហ្សីកាកំពុងគំរាមកំហែងខ្លាំងដល់សុខភាពពិភពលោកដែលអះអាងថាមេរោគនេះពេលកើតមានលើស្ត្រីមានផ្ទៃពោះនិងធ្វើឲ្យទារកកើតមកមានក្បាលតួចនិងប៉ះពាល់ដល់ខួរក្បាល។
ប្រទេសប្រេស៊ីលជាប្រទេសកំពុងមានការឆ្លងខ្លាំងមេរោគហ្សីកាគឺក្នុងចំណោមមនុស្ស១លាន៥សែននាក់គឺគេរកឃើញថា៧៤៥មានឆ្លងមេរោគនេះ ខណៈការរីករាលនៅតែមានបន្ត៕
