ចិនឃាត់ខ្លួន​អ្នកលក់ឱសថខុសច្បាប់ចំនួន​៣៧នាក់

អាជ្ញាធរចិននៅភាគខាងកើតនៃប្រទេសបានឃាត់ខ្លួនមនុស្សចំនួន​៣៧នាក់ដោយចោទថាជាប់ពាក់ព័ន្ធនឹងការ​ចែកចាយឱសថខុសច្បាប់ធ្វើឲ្យប៉ះពាល់ដល់​សុខភាពប្រជាពលរដ្ឋ។

សារព័ត៌មានរដ្ឋចិន​ស៊ីនហួរ ចុះផ្សាយថាការឈានដល់ចាប់ខ្លួនមនុស្ស៣៧នាក់នេះគឺបន្ទាប់ពី​នគរបាលនៅខេត្តសានដុងបានប្រកាសកាលពីខែមុនថាពួកគេបានចាប់ខ្លួន​មនុស្សពីរនាក់ត្រូវជាម្តាយនិងកូនស្រីដោយ​ចោទពីបទលក់និងទិញវ៉ាក់សាំងខុសច្បាប់។​ បន្ទាប់មកមានការស៊ើបអង្កេតបន្តទើបឈានដល់ការចាប់ខ្លួន​មនុស្ស៣៧នាក់ទៀតនេះ។​ នេះបើតាមសារព័ត៌មាន BBC។​

សមត្ថកិច្ចប៉ាន់ប្រមាណថាវ៉ាក់សាំងខុសច្បាប់ដែលរកឃើញចរាចរណ៍នោះមានតម្លៃប្រមាណ៨៨លានដុល្លារ។​ បញ្ហាការចរាចរណ៍ឱសថខុសច្បាប់នេះគឺបានកើតឡើងតាំងពីឆ្នាំ២០១១ ហើយមានការរិះគន់ខ្លាំងនៅក្នុងប្រទេសចិន។​ ចំណាត់ការចុះបង្ក្រាបទ្រង់ទ្រាយធំនេះបន្ទាប់ពីមានការស្នើឡើងពីអ្នកផលិត អ្នកលក់ និង អ្នកទិញវ៉ាក់សាំង។​

បញ្ហានៃការចរាចរណ៍ឱសថខុសច្បាប់នេះស៊ីនហូរបានបញ្ជាក់ថាមានមនុស្សពាក់ព័ន្ធរាប់រយនាក់ផ្សេងទៀត ដែលកំពុងធ្វើដំណើរឆ្លងកាត់ខេត្តប្រមាណ២០៕