ក្រុមហ៊ុនផ្សារមូលបត្រមួយជាក្រុមហ៊ុនបុត្រសម្ព័ន្ធមួយជាមួយក្រុមហ៊ុនរបស់សិង្ហបុរីបានបើកស្នាក់ការ និងដំណើររបស់ខ្លួននៅក្នុងទីក្រុងយ៉ាងហ្គូន ខណៈប្រទេសធ្លាប់គ្រប់គ្រងដោយរដ្ឋាភិបាលយោធាមួយនេះធ្វើកំណែទម្រង់ក្នុងការដឹកនាំ។
ក្រុមហ៊ុនឈ្មោះវិនិយោគមីយ៉ាន់ម៉ាទី១(FMI) បានបើកកាលពីខែធ្នូ ឆ្នាំ២០១៥ នៅទីក្រុងយ៉ាងហ្គូន ហើយប្រកាសដំណើរការជាផ្លូវការនៅថ្ងៃស្រុកនេះ។ ក្រុមហ៊ុននេះបើកវិនិយោគលើវិស័យអចលនទ្រព្យ បដិសណ្ឋារកិច្ច ការថែទាំសុខភាព និងសេវាហិរញ្ញវត្ថ។ នេះបើតាមប្រភពសារព័ត៌មាន Channel News Asia។
ក្រុមហ៊ុននេះដឹកនាំដោយលោក Serge Pun ជាពាណិជ្ជករល្បីឈ្មោះមួយរូបជនជាតិមីយ៉ាន់ម៉ា ដែលបច្ចុប្បន្នលោកជាប្រធានក្រុមហ៊ុនអចលនទ្រព្យ និងជាប្រធានធនាគារយោមា។
លោក Serge Pun ថ្លែងថា ថ្ងៃនេះគឺជាឱកាសដំបូងនៃការធ្វើពាណិជ្ជកម្មនេះ ប៉ុន្តែវាគឺជាទីផ្សារដ៏វែងឆ្ងាយទៅថ្ងៃអនាគត។ លោកបង្ហាញក្តីសង្ឃឹមថា ទីផ្សារមូលបត្រថ្មីនេះនឹងចូលរួមយ៉ាងសំខាន់ក្នុងការធ្វើឲ្យប្រសើរឡើងនូវសេដ្ឋកិច្ចរបស់មីយ៉ាន់ម៉ា និងជាការផ្តល់ទុនដល់ក្រុមហ៊ុនផ្សេងៗទៀត៕
