សភាជាន់ខ្ពស់របស់មីយ៉ាន់ម៉ាអនុម័ត តួនាទីរបស់លោកស្រីអ៊ុង សានស៊ូជីនៅថ្ងៃសុក្រនេះ ជាទីប្រឹក្សារដ្ឋទាំងមានភាពចម្រូងចម្រាស់ ដោយមានការប្រឆាំងពីសមាជិកសភា អតីតគណបក្សកាន់អំណាច។
ក្នុងការពិភាក្សាដើម្បីអនុម័តសំណើរបស់គណបក្សសម្ព័ន្ធជាតិ ដើម្បីលទ្ធិប្រជាធិបតេយ្យក្នុងការស្នើតួនាទីឲ្យលោកស្រី អ៊ុងសានស៊ូជី នៅព្រឹកថ្ងៃសុក្រនេះ មានការជំទាស់ ខ្លាំងពីសមាជិកសភាមកពីគណបក្សសាមគ្គីភាព សហភាព និង អភិវឌ្ឍន៍ ដោយពួកគេ ចោទថា សំណើនេះ ផ្ទុយពីរដ្ឋធម្មនុញ្ញ។ ទោះយ៉ាងណាសំណើត្រូវបានអុម័តនៅព្រឹកនេះ ដោយសារសមាជិកសភាមកពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យមាន សំឡេងច្រើន។ នេះ បើតាមសារព័ត៌មានChannel News Asia។
ការស្នើឲ្យលោកស្រី អ៊ុង សានស៊ូជី មានតំណែងជាទីប្រឹក្សារដ្ឋនេះ គឺជាការផ្តល់ អំណាច បន្ថែមឲ្យលោកស្រី មានឥទ្ធិពលក្នុងសភា និង រដ្ឋាភិបាល ខណៈលោកស្រីត្រូវរដ្ឋធម្មនុញ្ញ ចែងមិនឲ្យអាចទទួលតំណែងជាប្រធានាធិបតីបាន។
ក្រុមសមាជិកសភាដែលជំទាស់និងសំណើនេះ ពួកគេស្នើបញ្ជូនករណីនេះ ទៅក្រុម ប្រឹក្សាធម្មនុញ ដែលក្រុមអ្នកជំនាញខាងច្បាប់ចំនួន៩រូប ដែលបានជ្រើសរើស ដោយ ប្រធានាធិបតី។ ពួកគេក៏បានចោទប្រកាន់ករណីសំណើនេះថា មិនត្រឹមត្រូវដោយដាក់ចំ ឈ្មោះ លោកស្រី អ៊ុង សាន ស៊ូជី ហើយធ្វើឡើងប្រញាប់ប្រញាល់ ទាំងមិនទាន់រៀបចំ កញ្ចប់ថវិកា ឲ្យបានត្រឹមត្រូវផង។
លោកស្រី អ៊ុង សានស៊ូជី គឺជាមិត្តស្និទ្ធស្នាលរបស់របស់ ធិន ច ហើយលោកស្រី បានជួយដល់លោកធិន ច ឲ្យក្លាយជាប្រធានាធិបតីកាលពីសប្តាហ៍មុន។ ទោះយ៉ាងណា លោកស្រី ធ្លាប់បញ្ជាក់ថា លោកស្រីនឹងបំពេញការងារឲ្យខ្ពស់ជាងប្រធានាធិបតី៕
