សហជីព​ស្នើ​រដ្ឋាភិបាល​ទប់ស្កាត់​កុំ​ឲ្យ​រថយន្ត​តម្លើងថ្លៃ​ពេល​ចូលឆ្នាំ​ខ្មែរ​

​សហជីព​មួយជំរុញ​ឲ្យ​រដ្ឋាភិបាល ចាត់វិធានការ​ទប់ស្កាត់កុំ​ឲ្យ​ម្ចាស់​រថយន្ត​តម្លើងថ្លៃ​សំបុត្រ អំឡុង​ពិធី​បុណ្យចូលឆ្នាំ​ខ្មែរ ដែល​ចូលមក​ដល់​នៅ​សប្តាហ៍​ក្រោយនេះ ដោយ​អះ​អាង​ថា ដើម្បី​ជួយ​កាត់​បន្ថយដល់​ការ​ប្រឈម​នានាដ​ល់អ្ន​កដែល​មាន​ប្រាក់​ចំណូល​ទាប​។​

​ពិធី​បុណ្យចូលឆ្នាំ​ខ្មែរ នឹង​ប្រព្រឹត្តិ​ទៅ​ចាប់ពី​ថ្ងៃ​ទី​១៣ រហូត​ដល់​ថ្ងៃ​ទី​១៦ ខែ​មេសា​ខាង​មុខ​។ ក្នុង​ពិធី​នោះ​ពលរដ្ឋ​មួយចំនួនធំ បាន​សម្រុក​ធ្វើ​ដំណើរចេញពី​រាជធានី​ភ្នំពេញ ត្រឡប់​ទៅ​ស្រុកកំណើត យ៉ាងគំហុក ធ្វើ​ឲ្យ​សេវាដឹកជញ្ជូន និង​ទំនិញ​សព្វសារពើ​ហក់​ឡើងថ្លៃ​ខ្ពស់​។​

​នៅ​ថ្ងៃ​ទី​២​ខែ​មេសា​នេះ សហភាព​ចលនា​កម្មករ​កម្ពុជា បាន​ចេញ​លិខិត​អំពាវនាវ​មួយ ស្នើ​ទៅ​អាជ្ញាធរ​គ្រប់​លំដាប់ថ្នាក់ ព្រម​ទាំង​រាជរដ្ឋាភិបាល ឲ្យ​ចាត់វិធានការ​ទប់ស្កាត់ ការ​តម្លើងថ្លៃ​សំបុត្រ​រថយន្ត និង​ទំនិញ​នានាដែល​ពួកគេ​ថា ដើម្បី​ជួយ​សម្រួល​ដល់​ការចំណាយរបស់​កម្មករ និយោជិត គ្រូបង្រៀន និង​មន្ត្រីរាជការ ដែល​មាន​ប្រាក់​ចំណូលតិច និង​លើ​ទឹកចិត្ត​ឲ្យ​ពួកគេ​ទៅ ចូលរួម​ប្រា​រព​ពិធី​បុណ្យ​ប្រពៃណី​ជាតិ​នេះ​។

​អ្នកនាំពាក្យ​ក្រសួង​សាធារណៈការ និង​ដឹកជញ្ជូន លោក វ៉ា ស៊ឹម​សុរិយា មានប្រសាសន៍​ថា ​អាជ្ញាធរ​មិនទាន់​មាន​វិធានការទប់ស្កាត់​នៅឡើយ​ទេ ដោយ​លោក​អះអាងថា សេវាកម្ម​ទាំងនោះ ជា​របស់​ឯកជនដែ​លលោក​ថា ​អាជ្ញាធរ​ពាក់ព័ន្ធមិន​អាច​លូកដៃ​អន្តរាគមន៍ ឬ​ចាត់វិធានការ​បាន​ទេ​។​

​លោក វ៉ា ស៊ឹម​សុរិយា ឲ្យដឹងទៀតថា អ្វី​ដែល​ក្រសួង​ពាក់ព័ន្ធ​ធ្វើបាន គឺ​ការអំពាវនាវ តាម​ការយោគយល់​គ្នា​តែប៉ុណ្ណោះ​។​

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

VODEnglish.news

VODEnglish.news

Everybody Well-Informed, Everybody Empowered