ជប៉ុនត្រៀម​បន្ថែម​ថវិកា​ជាង​៤,៥​ពាន់​លាន​ដុល្លារ​សម្រាប់​ស្ដា​តំបន់​គ្រោះថ្នាក់​ដោយ​គ្រោះរញ្ជួយ​ដី​

(រូបភាពពី Reuters)

រដ្ឋាភិបាលជប៉ុនកំពុងត្រៀមរៀបចំថវិកាបន្ថែមជាង៥០០ពាន់លានយ៉ន់ (៤,៥ពាន់លានដុល្លារ) សម្រាប់ការកសាងឡើងវិញតំបន់នៅភាគខាងត្បូងដែលបានរងប៉ះពាល់ដោយគ្រោះរញ្ជួយដីនាពេលថ្មីៗនេះ។

ប្រភពផ្សេងៗបានប្រាប់ភ្នាក់ងារព័ត៌មានរ៉យទ័រ (Reuters) ថានាយករដ្ឋមន្ត្រីជប៉ុនលោក ហ្ស៊ីនហ្សូ អាបេ (Shinzo Abe) បានបញ្ជាទៅកាន់រដ្ឋាភិបាលរបស់លោកកាលពីថ្ងៃអាទិត្យឲ្យប្រមែប្រមូលរៀបចំកញ្ចប់ថវិកាបន្ថែមនេះ ដើម្បីជួយដល់ការស្ដាតំបន់ដែលបានរងគ្រោះថ្នាក់។

រដ្ឋាភិបាលគ្រោងនឹងទទួលបានការយល់ព្រមពីគណៈរដ្ឋមន្ត្រីរបស់ខ្លួនលើកញ្ចប់ថវិកាបន្ថែមនេះ នៅថ្ងៃទី១៣ ខែឧសភា ហើយចូលជាធរមាននៅថ្ងៃទី១ ខែមិថុនា នៅពេលដែលសម័យប្រជុំនៃរដ្ឋសភានាពេលបច្ចប្បន្នបញ្ចប់។

កាលពីពាក់កណ្ដាលខែមេសានេះ ប្រទេសជប៉ុនបានរងគ្រោះរញ្ជួយដីពីរដងជាបន្តបន្ទាប់ក្នុងកម្លាំង៦,៤រិច្ឆទ័រ និង៧,៣រិច្ឆទ័រ ដោយបានបណ្តាលឲ្យមានអ្នកស្លាប់យ៉ាងតិច៤៨នាក់ ប្រមាណ២០០០នាក់រងរបួស និងមនុស្សរាប់ម៉ឺននាក់រស់នៅទីជម្រកបណ្ដោះអាសន្តដែលពួកគេត្រូវបានជម្លៀសទៅ។ គ្រោះរញ្ជួយដីទាំងនោះក៏បានបំផ្លាញហេដ្ឋារចនាសម្ព័ន្ធដូចជាផ្លូវ ស្ពាន ផ្ទះ និងអគាររាប់ពាន់ខ្នងផងដែរ៕

ប្រភព៖ Channel News Asia

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered