ឥណ្ឌូណេស៊ី​តំឡើង​ទោស​​ប្រឆាំង​ជន​រំលោភ​ផ្លូវ​ភេទ​កុមារ

ប្រធានាធិបតីឥណ្ឌូណេស៊ី លោក Joko Widodo (រូបភាពពី AFP)

ប្រធានាធិបតីឥណ្ឌូណេស៊ី លោក Joko Widodo កាលពីថ្ងៃពុធម្សិលមិញបានចុះហត្ថលេខាលើបទប្បញ្ញតិរដ្ឋាភិបាលជំនួសការអនុម័តលើទោសប្រហារជីវិត ដែលជាការដាក់ទោសយ៉ាងអតិបរមាចំពោះបទល្មើសផ្លូវភេទប្រឆាំងលើកុមារ។

យោងតាមបទបញ្ញតិ្តនោះ ជនល្មើសអាចប្រឈមនឹងការក្រៀវចោលនិងដាក់ឲ្យស្ថិតនៅក្រោមការត្រួតពិនិត្យតាមរយៈការដាក់បន្ទះឈីបសម្រាប់តាមដានសកម្មភាពរបស់ពួកគេ។ ទម្រង់ដទៃទៀតនៃការដាក់ទោសមានការដាក់ទោសអស់មួយជីវិត ព្រមទាំងមានទោសជាប់ពន្ធនាគារយ៉ាងតិច១០ទៅ២០ឆ្នាំ។

លោក Joko Widodo បានថ្លែងក្នុងសន្និសីទនៅឯវិមានប្រធានាធិបតីថាអំពើហិង្សាផ្លូវភេទប្រឆាំងនឹងកុមារ គឺជាបទល្មើសមិនសាមញ្ញ។ លោកសង្ឃឹមថា បទបញ្ញត្តិនឹងត្រួតពិនិត្យទៅលើជនដៃដល់និងទប់ស្កាត់បទល្មើសផ្លូវភេទ។

ការប្រកាន់យកជំហរតឹងរឹងបែបនេះប្រឆាំងនឹងជនរំលោភសេពសន្ថវៈកុមារនិងជនដៃដល់នៃអំពើហិង្សាផ្លូវភេទប្រឆាំងកុមារនោះបានកើតឡើងក្រោយពីក្រុមសកម្មជននិងមហាជន បានអំពាវនាវឲ្យមានកំណែទម្រង់ ក្រោយពីមានករណីរំលោភបូកយ៉ាងឃោឃៅទៅលើកុមារីវ័យ១៤ឆ្នាំម្នាក់នៅឯតំបន់ Bengkulu នៅភាគខាងលិចនៃកោះស៊ូម៉ាត្រាកាលពីខែមេសាកន្លងមក។

ករណីនេះបានផ្ទុះឡើងនៅលើបណ្ដាញសង្គម ក្រោយពីក្រុមសកម្មជនបាននិយាយអំពីករណីនេះដែលបានបញ្ឆេះកំហឹងមហាជននិងជំរុញឲ្យមានការតវ៉ានៅទីក្រុងហ្សាកាតា។

គណៈកម្មការជាតិទទួលបន្ទុកខាងអំពើហិង្សាប្រឆាំងស្ត្រីបានទទួលករណីអំពើហិង្សាផ្លូវភេទប្រឆាំងស្ត្រីចំនួន ៣៥ករណីនៅរៀងរាល់ថ្ងៃ។ ប្រទេសឥណ្ឌូណេស៊ីបានកាត់ទោសជនរំលោភផ្លូវភេទឲ្យជាប់ពន្ធនាគារអតិបរមា ១៤ឆ្នាំ៕

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered