ក្រុម​មេដឹកនាំ G7 កំពុង​ជួប​ជុំ​គ្នា​នៅ​ជប៉ុន

សន្តិសុខត្រូវ​បាន​រឹត​បន្តឹង​នៅតំបន់​ភ្នំ Ise Shima (រូបភាពពី AFP)

ប្រធានាធិបតីអាមេរិក លោក បារ៉ាក់ អូបាម៉ា បានធ្វើដំណើរទៅដល់ប្រទេសជប៉ុនកាលពីល្ងាចថ្ងៃពុធម្សិលមិញ ដើម្បីចូលរួមកិច្ចប្រជុំកំពូលប្រទេស G7 ដោយបានចាប់ផ្ដើមដំណើរទស្សនកិច្ចជាប្រវត្តិសាស្ត្រមួយទៅកាន់ប្រទេសនេះដែលលោកក៏គ្រោងទៅទស្សនាទីក្រុងហ៊ីរ៉ូស៊ីម៉ាដែលជាទីក្រុងរងការទម្លាក់គ្រាប់បែកនុយក្លេអ៊ែរផងដែរ។

ទីភ្នាក់ងារព័ត៌មាន AFP បានរាយការណ៍ថា លោក អូបាម៉ា កំពុងចូលរួមជាមួយបណ្ដាមេដឹកនាំដទៃទៀតមកពីក្រុមប្រទេសប្រជាធិបតេយ្យធំៗ ដើម្បីជួបជុំគ្នាជជែកពីស្ថានភាពសេដ្ឋកិច្ចសកល។

ប្រមុខរដ្ឋនិងប្រមុខរដ្ឋាភិបាលដទៃទៀតដែលមកពីចក្រភពអង់គ្លេស បារាំង អាល្លឺម៉ង់ អ៊ីតាលី កាណាដា និងជប៉ុនខ្លួនឯងក៏កំពុងធ្វើដំណើរទៅកាន់តំបន់ភ្នំ Ise Shima ដែលស្ថិតនៅចម្ងាយ៣០០គីឡូម៉ែត្រ ភាគនិរតីនៃទីក្រុងតូក្យូ និងជាទីដែលពលរដ្ឋជប៉ុនចាស់ៗពឹងអាស្រ័យយ៉ាងខ្លាំងទៅលើវិស័យទេសចរណ៍និងកំណប់វប្បធម៌។

សន្តិសុខត្រូវបានរឹតបន្តឹងនៅទូទាំងតំបន់នោះដោយមានបន្ថែមកម្លាំងនគរបាលសម្រាប់ល្បាតតាមស្ថានីយរថភ្លើងនិងកំពង់ចម្លង និងចរាចរណ៍ត្រង់នៅលើដងផ្លូវស្ងប់ស្ងាត់នៅអំឡុងជំនួបកំពូលរយៈពេល២ថ្ងៃនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ