នគរបាល បាននិយាយថា ការបាញ់ប្រហារមួយបានកើតឡើងនៅព្រឹកថ្ងៃអាទិត្យនៅឯក្លិបសម្រាប់អ្នកស្រឡាញ់ភេទដូចគ្នាមួយកន្លែង ស្ថិតក្នុងទីក្រុងអ័រលេនដូ រដ្ឋកាលីហ្វនីញ៉ា ដែលបណ្ដាលឲ្យរបួសមនុស្សជាច្រើននាក់។
ទីភ្នាក់ងារព័ត៌មានរ៉យទ័រ បានរាយការណ៍ថា មនុស្សចន្លោះពី ៧ ទៅ ២០នាក់ ត្រូវបានគេបាញ់ប្រហារនៅក្នុងអំពើបាញ់ប្រហារនេះ ប៉ុន្តែ មិនបានផ្ដល់ព័ត៌មានលម្អិតនោះឡើយ។
ក្លិបកម្សាន្តនោះ បានបង្ហោះសារនៅលើបណ្ដាញសង្គម ដោយបានជំរុញភ្ញៀវឲ្យចាកចេញ និងរត់គេចទៅរកកន្លែងមានសុវត្ថិភាព។ ភ្ញៀវជាច្រើននាក់ ត្រូវបានគេចាប់ភ្ជង់ជាចំណាប់ខ្មាំងនៅក្នុងក្លិបនោះ។
វីដេអូមួយបង្ហោះនៅលើអុិនធើណិត បានបង្ហាញនូវក្រុមនគរបាល និងរថយន្តសង្គ្រោះបន្ទាន់ ត្រូវបានគេដាក់ពង្រាយនៅខាងក្រៅក្លិបនោះ៕
