ការប្រកួតដណ្តើមពាន EURO សម្រាប់បណ្តាប្រទេសអឺរ៉ុបដែលកើតទ្បើងរៀងរាល់៤ឆ្នាំម្តងបានប្រារព្ធធ្វើទ្បើងម្តងទៀតក្នុងឆ្នាំ២០១៦នេះ។ ដោយមានប្រទេសចំនួន២៤ក្រុមចូលរួមដែលក្នុងនោះមានប្រទេសបារាំងធ្វើជាម្ចាស់ផ្ទះ រីឯការប្រកួតនឹងធ្វើទ្បើងនៅតាមបណ្តាពហុកីឡាដ្ឋានផ្សេងៗក្នុងទីក្រុង Paris។
ការជម្រុះតាមពូលបានចាប់ផ្តើមតាំងពីថ្ងៃទី១១ ខែមិថុនា នេះដើម្បីសន្សំពិន្ទុក្នុងការជ្រើសយក១៦ក្រុមចុងក្រោយទៅប្រកួតបន្តនៅថ្ងៃទី២៥ ខែមិថុនានេះ។
គិតត្រឹមថ្ងៃពុធនេះ ប្រទេសបារាំងដែលជាម្ចាស់ផ្ទះកំពុងនាំមុខក្នុងពូល A ជាមួយពិន្ទុ៦។ ចំណែកឯពូល B ប្រទេស Wales បានកំពុងឈរនៅលើកំពូលតារាងជាបណ្តោះអាសន្នជាមួយពិន្ទុ៣ ដូចគ្នានឹងប្រទេស Slovakia ដែរ។ ឯពូល C នាំមុខដោយប្រទេសអាល្លឺម៉ង់, ពូល D នាំមុខដោយប្រទេសក្រូអាត់, ពូល E នាំមុខដោយប្រទេសអ៊ីតាលី, និងពូល F នាំមុខដោយប្រទេសហុងហ្ការី ដោយមានពិន្ទុ៣ដូចៗគ្នា។
បន្ទាប់មកនៅថ្ងៃទី៣០នឹងមានការប្រកួតវគ្គ៨ក្រុម ដើម្បីកំណត់យក៤ក្រុមចុងក្រោយធ្វើការប្រកួតគ្នានាថ្ងៃទី៦
ខែកក្កដា។ រីឯការប្រកួតវគ្គផ្តាច់ព្រ័ត្រនឹងប្រព្រឹត្តទៅនៅថ្ងៃទី១០ ខែកក្កដា នៅពហុកីទ្បាដ្ឋាន Stade de France ទីក្រុង Paris៕
