អន្តរជាតិ

ចិនកាត់ផ្ដាច់ទូរស័ព្ទជាមួយតៃវ៉ាន់ជុំវិញបញ្ហាជាមួយប្រធាធិបតីថ្មី

លោក ឌិត សុខធី
| ២៦ មិថុនា ២០១៦
ម៉ោង ១១:០០

លោកស្រី សៃ អ៊ីងវ៉េន (រូបភាពពីបណ្តាញព័ត៌មានChannel News Asia)

ប្រទេសចិន បាននិយាយកាលពីថ្ងៃម្សិលមិញថា ទំនាក់ទំនងជាមួយកោះតៃវ៉ាន់ ត្រូវបានកាត់ផ្ដាច់ បន្ទាប់ពីរដ្ឋាភិបាលថ្មីរបស់ដែនដីកោះមួយនេះ ពុំទទួលស្គាល់គោលគំនិត«ចិនតែមួយ»។ នេះដោយយោងតាមសេចក្ដីរាយការណ៍របស់ទីភ្នាក់ងារព័ត៌មាន AFP។

ទំនាក់ទំនងរវាងចិន និងតៃវ៉ាន់ កាន់តែឡើងកម្ដៅ ចាប់តាំងពីលោកស្រី សៃ អ៊ីងវ៉េន បានឈ្នះការបោះឆ្នោតកាលពីខែមករា និងឡើងដឹកនាំដែនកោះមួយនេះកាលពីខែឧសភាកន្លងមក ដោយបានបញ្ចប់ទំនាក់ទំនងល្អូកល្អិនរយៈពេល ៨ឆ្នាំកន្លងមក។

ការិយាល័យកិច្ចការតៃវ៉ាន់របស់ចិន បានឲ្យដឹងថា ក្រុងប៉េកាំង និងក្រុងតៃប៉ិ តែងតែរក្សាទំនាក់ទំនងផ្លូវការជាមួយគ្នាចាប់តាំងពីឆ្នាំ២០១៤មក ប៉ុន្តែ ទំនាក់ទំនងនោះបានបញ្ចប់ហើយនាពេលនេះ។

លោក អាន ហ្វុងសាន អ្នកនាំពាក្យការិយាល័យកិច្ចការតៃវ៉ាន់ បាននិយាយថា យន្តការទំនាក់ទំនងទ្វេភាគី ត្រូវបានគេផ្អាក។

ទោះបីជាតៃវ៉ាន់ គឺជាដែនដីមានរបបគ្រប់គ្រងខ្លួនឯងក៏ដោយ ក៏ដែនកោះមួយនេះ មិនទាន់ប្រកាសឯករាជ្យផ្លូវការនោះឡើយ ចាប់តាំងពីបំបែកខ្លួនពីចិននៅក្រោយសង្គ្រាមស៊ីវិលមក ហើយក្រុងប៉េកាំងនៅតែចាត់ទុកដែនដីនេះ ជាផ្នែកមួយនៃទឹកដីរបស់ខ្លួន ដែលរងចាំការបង្រួបបង្រួម៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។