រដ្ឋាភិបាល បានបដិសេធទៅនឹងការរិះនៅតាមបណ្ដាញសង្គមថា អាជ្ញាធរបានប្រមូលពន្ធលើអាហារូបករណ៍របស់និស្សិតសកលវិទ្យាល័យអន្តរជាតិ។
ក្នុងលិខិតបំភ្លឺចេញផ្សាយកាលពីថ្ងៃម្សិលមិញ អគ្គនាយកដ្ឋានពន្ធដា នៃក្រសួងសេដ្ឋកិច្ច បាននិយាយថា ច្បាប់សារពើពន្ធរបស់កម្ពុជា ពុំបានកំណត់អំពីការប្រមូលពន្ធលើអាហារូបករណ៍ ដែលត្រូវបានផ្ដល់ដល់និស្សិតនៅតាមសាកលវិទ្យាល័យនោះឡើយ។ អគ្គនាយកដ្ឋានពន្ធដារ បញ្ជាក់ថា ខ្លួនពុំដែលប្រមូលពន្ធលើករណីនេះទេ។
អគ្គនាយកដ្ឋានពន្ធដារ បានចេញសេចក្ដីបំភ្លឺបែបនេះ បន្ទាប់ពីអ្នកប្រើប្រាស់បណ្ដាញសង្គម បានចែកចាយបន្តគ្នា នូវលិខិតមួយច្បាប់របស់សាកលវិទ្យាល័យអន្តរជាតិ ដែលតម្រូវឲ្យនិស្សិតបង់ពន្ធ ២០ភាគរយ លើថ្លៃអាហារូបករណ៍។
អគ្គនាយកដ្ឋានពន្ធដារ បានបញ្ជាក់ថា ការបង់ពន្ធ គឺជាបន្ទុករបស់សាកលវិទ្យាល័យ ឬគ្រឹះស្ថានសិក្សា ដែលទទួលបានប្រាក់ចំណេញប្រចាំឆ្នាំ៕
