សមាជិកសភារបស់អាល្លឺម៉ង់បានរិះគន់លើសេចក្តីព្រាងរដ្ឋធម្មនុញ្ញរបស់រដ្ឋាភិបាលយោធាថៃថា នៅតែប្រមូលផ្តុំអំណាចលើពួកយោធា ខណៈសេចក្តីព្រាងនោះនឹងត្រូវដាក់ធ្វើប្រជាមតិនៅខែសីហាខាងមុខនេះ។
បច្ចុប្បន្នរដ្ឋាភិបាលយោធាថៃកំពុងចេញវិធានការជាច្រើនដើម្បីបង្ក្រាបលើក្រុមដែលហ៊ានរិះគន់លើសេចក្តីព្រាងរដ្ឋធម្មនុញ្ញ។ ប៉ុន្តែទោះជាយ៉ាងណាប៉ុន្មានសប្តាហ៍ចុងក្រោយនេះ ចលនាពលរដ្ឋនៅក្នុងប្រទេសថៃហ៊ានចេញមុខរិះគន់ បានកើនឡើង។
សេចក្តីព្រាងរដ្ឋធម្មនុញ្ញនោះនឹងដាក់ធ្វើប្រជាមតិនៅថ្ងៃទី៧ខែសីហាខាងមុខនេះ។
ក្រុមអ្នកសម្របសម្រួលគណៈកម្មាធិការច្បាប់និងរដ្ឋធម្មនុញ្ញនៅក្នុងសភាអាល្លឺម៉ង់រួម លោក Norbert Röttgen លោក Stefan Liebich និងលោកស្រី Marieluise Beck ពួកគេលើកឡើងថាក្នុងសេចក្តីព្រាងរដ្ឋធម្មនុញ្ញថ្មីរបស់ថៃបានបង្ហាញពីការបែងចែកអំណាច តែធាតុពិតនៃខ្លឹមសារអំណាចស្ថិតនៅលើពួកក្រុមយោធាដដែល។ នេះបើតាមគេហទំព័រ euractive៕