អន្តរជាតិ

អ្នកស្លាប់ក្នុងរដ្ឋប្រហារនៅទួគីកើនដល់ ៩០នាក់

លោក ឌិត សុខធី
| ១៦ កក្កដា ២០១៦
ម៉ោង ១៤:៤៥

សារព័ត៌មាន BBC របស់អង់គ្លេស បានដកស្រង់ព័ត៌មានពីទីភ្នាក់ងារព័ត៌មានរដ្ឋទួគី ដែលរាយការណ៍ថា ចំនួនអ្នកស្លាប់នៅក្នុងភាពច្របូកច្របល់នៅក្រោយរដ្ឋប្រហារមិនបានសម្រេចរបស់ពួកយោធា បានកើនឡើងដល់ ៩០នាក់ហើយ រហូតមកដល់រសៀលនេះ ខណៈដែលអ្នករបួស មានចំនួនដល់ទៅ ១១៥៤នាក់។

សារព័ត៌មាននេះ បានរាយការណ៍នៅមុននេះថា មនុស្សចំនួន ៦០នាក់ បានស្លាប់នៅអំឡុងការប៉ះទង្គិចកាលពីយប់ម្សិលមិញ ក្នុងនោះមានជនស៊ីវិលជាច្រើនផងដែរ។

ទីភ្នាក់ងារព័ត៌មាន AFP បានរាយការណ៍ថា បុគ្គលិកយោធាជាង ១៥០០នាក់ ត្រូវបានគេចាប់ខ្លួននៅទូទាំងប្រទេសទួគី។

ចំណែកមេប៉ូលិសទួគី បាននិយាយថា អ្នករៀបចំផែនការរដ្ឋប្រហារ ១៦នាក់ ត្រូវបានគេសម្លាប់នៅក្នុងការប្រយុទ្ធគ្នានៅទីបញ្ជាការកងអាវុធហត្ថរបស់ប្រទេសទួគី។

សារព័ត៌មាន BBC បានឲ្យដឹងទៀតថា ទាហានគ្មានអាវុធប្រហែល ២០០នាក់ នៅឯទីបញ្ជាការយោធាទួគី បានសារភាពចុះចាញ់។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។