គណៈកម្មការបុណ្យសពលោក កែម ​ឡី អំពាវនាវឲ្យអ្នកចូលរួមប្រកាន់ធម៌អត់ធ្មត់​

អ្នកវិភាគបញ្ហាសង្គម លោក កែម ឡី​

គណៈកម្មការរៀបចំបុណ្យសពលោក កែម ឡី អំពាវនាវឲ្យអ្នកចូលរួមទាំងអស់ប្រកាន់ នូវធម៌អត់ធ្មត់ ពេលដង្ហែសពទៅខេត្តតាកែវស្អែកនេះបើទោះជាមានឧបសគ្គអ្វីកើតឡើងក៏ដោយ។

សមាជិកគណៈកម្មការរៀបចំបុណ្យសពលោក កែម ឡី ព្រះតេជគុណប៊ុត ប៊ុនតិញ មានថេរដីកា នៅក្នុងរោងបុណ្យប្រាប់អ្នកចូលរួមនៅរសៀលនេះថា អ្នកចូលរួមទាំងអស់ក្នុង ពិធីហែសពនៅថ្ងៃស្អែករក្សាការអត់ធ្មត់ឲ្យបានខ្ពស់បើទោះជា មានបញ្ហាអ្វីកើតឡើងក៏ដោយ ។

ព្រះតេជគុណបញ្ជាក់ថា បើសិនជាមានការបិទផ្លូវណាមួយពីសមត្ថកិច្ចនោះ សូមឲ្យ អ្នកចូលរួមរក្សាភាពស្ងៀមស្ងាត់អត់ធ្មត់ ហើយព្រះសង្ឃអាចឈប់នឹងសម្តែង ធម៌ទេសនានៅ ទីនោះតែម្តង។

បើតាមព្រះតេជគុណ ប៊ុត ប៊ុនតិញគឺ មានព្រះសង្ឃ២០០អង្គចូលរួម និង មានអ្នក ឧបត្ថម្ភរថយន្តជួយដឹកជញ្ជូនចំនួន៥៨គ្រឿង។

គណៈកម្មការរៀបចំបុណ្យបានប៉ាន់ប្រមាណថា អ្នកចូលរួមដង្ហែសពលោក កែម ឡី នៅថ្ងៃស្អែកនេះ នឹងមានយ៉ាងតិច៥០ម៉ឺននាក់។

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered