អន្តរជាតិ

អាមេរិកត្រៀមប្រគល់ដីមួយចំណែកធំទៅរដ្ឋាភិបាលជប៉ុន

លោក ឌិត សុខធី
| ៣០ កក្កដា ២០១៦
ម៉ោង ០៩:២២

លោកអ្នកនាងស្ដាប់ជាទីមេត្រី! នៅឯប្រទេសជប៉ុនឯណោះវិញ យោធាសហរដ្ឋអាមេរិក បាននិយាយកាលពីថ្ងៃម្សិលមិញថា ខ្លួនកំពុងត្រៀមប្រគល់ដីដ៏ធំបំផុតនៅកោះអូគីណាវ៉ា ខណៈដែលខ្លួនប្រឈមមុខនឹងកំណើននៃការប្រឆាំងចំពោះវត្តមាននៅលើដែនកោះមួយនេះ បន្ទាប់ពីការចាប់ខ្លួនបុរសជនជាតិអាមេរិកម្នាក់ ពីបទឃាតកម្មទៅលើស្ត្រីជនជាតិជប៉ុនម្នាក់។

ទីភ្នាក់ងារព័ត៌មាន Reuters បានផ្សាយថា អូគីណាវ៉ា គឺជាមូលដ្ឋានយោធាដ៏សំខាន់របស់អាមេរិក នៅអាស៊ី ជាទីដែលប្រឈមមុខនឹងការប្រឆាំងយ៉ាងខ្លាំងកា្លពីប្រទេសចិន។ ដែនកោះមួយនេះ មានបុគ្គលិកយោធា ៣ម៉ឺននាក់ នៅក្នុងមូលដ្ឋាន ដែលគ្របដណ្ដប់លើផ្ទៃដីកោះ ១ភាគ៥។

មេបញ្ជាការកងទ័ពអាមេរិក Lawrence D. Nicholson បានថ្លែងនៅក្នុងសេចក្ដីប្រកាសព័ត៌មានមួយថា៖ «យើងគោរពអារម្មណ៍ប្រជាជនអូគីណាវ៉ាថា មូលដ្ឋានរបស់យើង ត្រូវតែកាត់បន្ថយ»។

យោធាអាមេរិកនឹងប្រគល់ដីទំហំ ៤ពាន់ហិកតា ឬស្មើនឹង ៤០គីឡូម៉ែត្រការ៉េ ទៅឲ្យរដ្ឋាភិបាលជប៉ុន ដែលស្មើនឹង ១៧ភាគរយនៃផ្ទៃដីកាន់កាប់ដោយយោធាអាមេរិក៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។