អន្តរជាតិ

ភូមារំពឹងទទួលបានភ្ញៀវទេសចរ៧.៥លាននាក់នៅបីឆ្នាំក្រោយ

លោក ឌិត សុខធី
| ០៣ សីហា ២០១៦
ម៉ោង ១៧:៥៣

មន្ត្រីភូមាម្នាក់និយាយថា ប្រទេសនេះ រំពឹងថានឹងទាក់ទាញភ្ញៀងទេសចរបាន ៧.៥លាននាក់ នៅត្រឹមឆ្នាំ២០១៩ ខណៈដែលប្រទេសធ្លាប់ស្ថិតក្រោមរបបយោធាមួយនេះ បានក្លាយជាគោលដៅទេសចរណ៍ដ៏សំខាន់នៅតំបន់អាស៊ីអាគ្នេយ៍។

ទីភ្នាក់ងារព័ត៌មាន AFP បានផ្សាយថា ប្រទេសមួយនេះ ធ្លាប់ស្ថិតនៅឯកោក្រោមរបបគ្រប់គ្រងរបស់ពួកយោធា ប៉ុន្តែ ភ្ញៀវទេសចរបរទេស បានសម្រុកចូលទៅប្រទេសនេះ ចាប់តាំងពីភូមាបានបើកទ្វាររបស់ខ្លួន កាលពីឆ្នាំ២០១១ តាមរយៈការអញ្ចើញតារាចម្រៀងល្បីៗ ដូចជានាង Beyonce និង Jay Z ឲ្យទៅសម្ដែងនៅទីនោះ ដែលជាសារបង្ហាញថា ប្រទេសនេះបើកចំហរចាំទទួលភ្ញៀវទេសចរ។

AFP បានដកស្រង់សម្ដីមន្ត្រីជាន់ខ្ពស់នៅក្រសួងទេសចរណ៍ និងសណ្ឋាគាររបស់ភូមា លោក Tint Thwin ដែលបាននិយាយថា នៅឆ្នាំនេះ ភូមានឹងទទួលបានភ្ញៀវទេសចរ ៥.៥លាននាក់ ពោលគឺបានកើនឡើងជិត ១លាននាក់ ធៀបទៅនឹងឆ្នាំ២០១៥កន្លងមក។

មន្ត្រីទេសចរណ៍រូបនេះ និយាយថា ចំនួនភ្ញៀវទេសចរនឹងកើនឡើងដល់ ៧.៥លាននាក់ នៅក្នុងរយៈពេល ៣ឆ្នាំក្រោយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។