លោកអ្នកនាងស្ដាប់ជាទីមេត្រី! ឧទ្ធម្ភាគចក្រមួយរបស់យោធាភូមិភាគទី ៣ ថៃ បានបាត់ការទាក់ទង ជាមួយមន្ត្រីយោធា ៥នាក់ ក្នុងនោះមានឧត្ដមសេនីយ៍ ណុបផន រួនចន្ទន៍ មេបញ្ជាការយោធាភូមិភាគ ៤។
កាសែតបាងកក ប៉ុស្តិ៍របស់ថៃ បានផ្សាយថា ឧទ្ធម្ភាគចក្រនោះ បានដាច់ការទាក់ទងពីតួម៉មបញ្ជាការហោះហើរ នៅ ៣០នាទីក្រោយពីហោះហើរចេញពីស្រុកប៉ាងម៉ាផា ក្នុងខេត្តមែហុងសន។
លោកឧត្ដមសេនីយ៦ ស៊ុំសក្តិ និលបានឈឺតត្រកូល មេបញ្ជាការយោធាភូមិភាគ ៣ ថៃ បានបញ្ជាក់ពីរឿងនេះទៅកាសែតបាងកក ប៉ុស្តិ៍ថា ឧទ្ធម្ភាគចក្រនោះ បានដាច់ការទាក់ទងពីតួម៉មបញ្ជាការហោះហើរនៅម៉ោង ១០ និង៣០នាទីព្រឹកថ្ងៃអាទិត្យនេះ បន្ទាប់ពីចាកចេញពីបំពេញប្រតិបត្តិការជំនួយទឹកជំនន់ និងត្រឡប់ទៅខេត្តពិស្ណុលោកវិញ។
ឧទ្ធម្ភាគចក្រនោះ បានហោះហើរទៅខេត្តមែហុងសន កាលពីរសៀលថ្ងៃសៅរ៍ម្សិលមិញ ក្នុងប្រតិបត្តិការជួយសង្គ្រោះនៅស្រុកប៉ៃ និងស្រុកប៉ាងម៉ាផា ដែលរងគ្រោះទឹកជំនន់៕
