ACU ហៅគ្រូបង្រៀននិងមន្ត្រី៥រូបឲ្យបំភ្លឺភាពមិនប្រក្រតីពេលប្រឡងថ្នាក់ទី១២

សកម្មភាពក្នុងពេលប្រលងបាក់ឌុបឆ្នាំ២០១៦ (រូបភាពពីហ្វេសប៊ុកACU)

អង្គភាពប្រឆាំងអំពើពុករលួយកោះហៅមន្ត្រីក្រសួងអប់រំនិងគ្រូបង្រៀនចំនួន៥រូបឲ្យចូលខ្លួនបំភ្លឺពាក់ព័ន្ធនឹងភាពមិនប្រក្រតីនៅថ្ងៃប្រឡងសញ្ញាបត្រមធ្យមសិក្សាទុតិយភូមិ(ថ្នាក់ទី១២)កាលពីថ្ងៃទី២២និង២៣ខែសីហាកន្លងទៅនេះ។

ក្នុងលិខិតកោះហៅចេញដោយអង្គភាពប្រឆាំងអំពើពុករលួយចំនួន៥ដាច់ដោយឡែកពីគ្នាបានបញ្ជាក់ថា គ្រូបង្រៀននិងមន្ត្រីក្រសួងអប់រំទាំងនោះពាក់ព័ន្ធនឹងភាពមិនប្រក្រតីក្នុងការអនុវត្តតួនាទីនិងការប្រព្រឹត្តអំពើពុករលួយពេលប្រឡងសញ្ញាបត្រមធ្យមសិក្សាទុតិយភូមិ។

គ្រូនិងមន្ត្រីទាំង៥រូបនោះរួមមាន អ្នកគ្រូ ហ៊ន មុនីលក្ខស្ម៊ី អ្នកគ្រូ ចាំង ចាន់ហួត អ្នកគ្រូ យី ស្រីង៉ែត មន្ត្រីក្រសួងលោក ប៉ូវ វី និងមន្ត្រីក្រសួងលោក ជីវ រដ្ឋា។ អ្នកគ្រូ ហ៊ន មុនីលក្ខស្ម៊ី តម្រូវឲ្យចូលខ្លួនបំភ្លឺនៅថ្ងៃទី២៩ខែសីហា ចំណែកអ្នកផ្សេង៤រូបទៀតបំភ្លឺនៅថ្ងៃ៥ខែកញ្ញា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ