យុវជនដែលសកម្មក្នុងការទាមទារឲ្យការគ្រប់គ្រងនៅហុងកុងធ្វើតាមទម្រង់ប្រជាធិបតេយ្យទាំងស្រុងនិងមានបំណងឲ្យឯករាជ្យចេញពីចិននោះ ជាប់ឆ្នោតក្នុងក្រុមប្រឹក្សារដ្ឋបាលដឹកនាំដែនដីមួយនេះ។
កាលពីឆ្នាំ២០១៤ យុវជនបានចេញមុខតវ៉ាទាមទារឲ្យមានការបោះឆ្នោតជ្រើសរើសមេដឹកនាំហុងកុងតាមបែបលទ្ធិប្រជាធិបតេយ្យពេញលេញ។ ក្នុងចំណោមយុវជនទាំងនោះ យុវជនម្នាក់ឈ្មោះ Nathan Law អាយុ២៣ឆ្នាំ បានជាប់ឆ្នោតក្នុងសមាជិកក្រុមប្រឹក្សារដ្ឋបាលដឹកនាំដែនដីហុងកុងក្នុងលទ្ធផលនៃការបោះឆ្នោតនៅថ្ងៃនេះ។
ការជាប់ឆ្នោតយុវជនរូបនេះជាលើកដំបូងហើយនៅហុងកុង ដែលយុវជនបង្ហាញឥទ្ធិពលរបស់ខ្លួនក្នុងវិស័យនយោបាយ។ ទោះយ៉ាង គេមានការបារម្ភថាយុវជននឹងរងគំនាបច្រើនពីទីក្រុងប៉េង ព្រោះក្នុងក្រុមប្រឹក្សារដ្ឋបាលនេះមាន៧០អាសនៈហើយសំឡេងភាគច្រើនលើសលប់ទីក្រុងប៉េកាំងជាអ្នកជ្រើសតាំង៕
