អាជ្ញាធរឥណ្ឌូនេស៊ីឃាត់ខ្លួនជនសង្ស័យម្នាក់នៅលើទឹកដីរបស់ខ្លួនដែររងការចោទថាប៉ុនប៉ងវាយប្រហារដោយបំផ្ទុះគ្រាប់បែកនៅឆ្នេរសមុទ្ររបស់សិង្ហបុរី។
ទីភ្នាក់ងារសារព័ត៌មាន Antara បានដកស្រង់សំដីអ្នកនាំពាក្យនគរបាលជាតិឥណ្ឌូនេស៊ី លោក Agus Rianto ចុះផ្សាយថាបុរសម្នាក់ដែលគេសង្ស័យហើយត្រូវបានចាប់ខ្លួននោះអាយុ២៤ឆ្នាំ។ បុរសនេះត្រូវបានសមត្ថកិច្ចចាប់ខ្លួននៅក្នុងហាងលក់អាហ្វេអ៊ីនធើណែតនៅ Batu Aji, Batam កាលពីកាលពីថ្ងៃសៅរ៍។
បុរសដែលសមត្ថកិច្ចចាប់ខ្លួននោះគេសង្ស័យថាស្ថិតនៅក្នុងក្រុម KGR@Katibah GR ជាក្រុមដឹកនាំដោយ Gigih Rahmat Dewa ជាអ្នកដែលរងការចោទថានៅពីក្រោយការវាយប្រហារឆ្នេរ Marina Bay របស់សិង្ហបុរី។
កាលពីខែសីហា កម្លាំងបង្ក្រាបអំពើភេរវកម្មបានឃាត់ខ្លួនជនសង្ស័យ៦នាក់ដែលប៉ុនប៉ងវាយប្រហារនៅសិង្ហបុរី។ បុរសទាំង៦នាក់នោះក៏រងការចោទថាជាប់ពាក់ព័ន្ធក្រុមភេរវកម្ម KGR@Katibah GR៕
