ប្រធានាធិបតីអាមេរិកលោក បារ៉ាក់ អូបាម៉ា សម្តែងការសោកស្តាយ ចំពោះករណីអាមេរិកទម្លាក់គ្រាប់បែកលើប្រទេសឡាវជាទ្រង់ទ្រាយធំកាលពីអំឡុងសង្គ្រាមវៀតណាមនៅទសវត្សរ៍៦០និង៧០។
ក្នុងដំណើរទស្សនកិច្ចទៅកាន់ប្រទេសឡាវ លោក អូ បាម៉ា បានពិពណ៌នាថា ឡាវទទួលរងគ្រោះថ្នាក់ខ្លាំងក្នុងប្រវត្តិសាស្ត្រគឺជាមធ្យមរយៈពេល៨នាទីមានការទម្លាក់គ្រាប់បែកមួយ នៅក្នុងអំឡុងពេលសង្គ្រាមវៀតណាមចាប់ពីឆ្នាំ១៩៦៤ដល់១៩៧៣។ លោក អូបាម៉ា បញ្ជាក់ថាការទម្លាក់គ្រាប់នេះ ធ្វើឲ្យឡាវរងគ្រោះខ្លាំងជាងសង្គ្រាមលោកលើកទី២ទៅទៀត។
ប្រជាពលរដ្ឋឡាវបានពិពណ៌នាប្រាប់លោក អូបាម៉ា ដែរថា ការទម្លាក់គ្រាប់របស់អាមេរិកលើទឹកដីរបស់ឡាវពេលនោះ មានលក្ខណៈដូចភ្លៀងធ្លាក់។
ប្រធានាធិបតីអាមេរិកជិតផុតអាណត្តិរូបនេះថ្លែងដោយការជឿជាក់ថា អាមេរិកមានកាតព្វកិច្ចជាសីលធម៌ក្នុងការជួយជួសជុលការខូចខាតរបស់ឡាវ។
ឡាវត្រូវចំណាយ៩០លានសម្រាប់គម្រោងដោះស្រាយបញ្ហាគ្រាប់បែកចង្ក្រោមនិងអាវុធមិនទាន់ផ្ទុះរយៈពេល៣ឆ្នាំទៅមុខទៀត។ ចំណែក២០ឆ្នាំកន្លងទៅឡាវបានចំណាយ១០០ដុល្លារក្នុងការដោះស្រាយបញ្ហាទាំងនេះ៕
