សាលាដំបូងរាជធានីភ្នំពេញបាននាំខ្លួនសកម្មជនដីធ្លីល្បីឈ្មោះម្នាក់នៅតំបន់បឹងកក់ទៅសាកសួរជុំវិញអ្វីដែលតុលាការចោទថា ប្រមាថរាជការសាធារណៈនិងប្រឆាំងអ្នករាជការសាធារណៈមានស្ថានទម្ងន់ទោស ខណៈអ្នកស្រី ទេព វន្នី ត្រូវបានតុលាការកាត់ឲ្យជាប់ទោស៦ថ្ងៃទាក់ទងការធ្វើយុទ្ធនាការអាវខ្មៅ។
នៅព្រឹកថ្ងៃព្រហស្បតិ៍នេះចៅក្រមសើបសួរលោក នូ វាសនា បានបង្គាប់ឲ្យអ្នកស្រី ទេព វន្នី ចូលខ្លួនដើម្បីសួរនាំលើសំណុំរឿងព្រហ្មទណ្ឌកាលពីថ្ងៃទី២០ ខែមីនា ឆ្នាំ២០១៣ ជាបទចោទថាប្រើហិង្សាដោយចេតនាមានស្ថានទម្ងន់ទោស។
តុលាការបានចោទប្រកាន់ អ្នកស្រី ទេព វន្នី ដោយភ្ជាប់ករណីដែលគាត់ដឹកនាំសកម្មជនដីធ្លីតវ៉ានៅជិតផ្ទះលោក ហ៊ុន សែន កាលពីឆ្នាំ២០១៣។ ប៉ុន្តែការចោទប្រកាន់នេះ ត្រូវបានសកម្មជនបឹងកក់ទាមទារឲ្យរដ្ឋាភិបាលបញ្ចេញវីឌីអូឃ្លីបនៅក្នុងកាមេរ៉ាផ្ទះលោកនាយករដ្ឋមន្ត្រីដោយថា ដើម្បីបង្ហាញពីតម្លាភាព ករណីតុលាការចោទប្រកាន់អ្នកស្រី ទេព វន្នី៕
