សិស្សស្រីអាយុ១៤ឆ្នាំម្នាក់រៀននៅសាលារៀនមួយនៅក្នុងរដ្ឋ Texas សហរដ្ឋអាមេរិក បានប្រើប្រាស់កាំភ្លើងបាញ់មិត្តប្រុសរបស់ខ្លួន រួចមកបានប្រើកាំភ្លើងដដែលបាញ់សម្លាប់ខ្លួនឯងកាលពីថ្ងៃព្រហស្បតិ៍ម្សិលមិញ។
ទីភ្នាក់ងារសារព័ត៌មានរ៉យទ័របានចុះផ្សាយថា សិស្សជាមិត្តប្រុសរបស់សិស្សស្រីនោះមានអាយុ១៦ឆ្នាំគឺមិនបានស្លាប់ទេ ក្រោយពេលបាញ់ប្រហារ ត្រូវបានដឹកទៅសង្គ្រោះនៅមន្ទីរពេទ្យក្នុងតំបន់នោះ ហើយបើតាមស្ថាននៃរបួសគេសន្និដ្ឋានថា មិនធ្វើឲ្យប៉ះពាល់ដល់អាយុជីវិតទេ។
សហរដ្ឋអាមេរិកកំពុងញាំញីខ្លាំងដោយសារការបាញ់ប្រហារគ្នានៅតាមសាលារៀន ដែលបង្កដោយសិស្សសាលានិងបុគ្គលិកធ្វើការនៅតាមសាលា។ របាយការណ៍សមត្ថកិច្ចបង្ហាញថា តាំងពីឆ្នាំ២០០៧មក ករណីបាញ់ប្រហារនៅតាមសាលារៀនបានបណ្តាលឲ្យមនុស្សស្លាប់៣២នាក់៕
