ចិន និង​រុស្សី​នឹង​ចាប់​ផ្ដើមសម​យុទ្ធ​រួម​គ្នា​នៅ​សមុទ្រ​ចិន​ខាង​ត្បូង​នៅ​ថ្ងៃ​ស្អែក

ចិន និងរុស្ស៊ី នឹងចាប់ផ្ដើមសមយុទ្ធកងទ័ពជើងទឹករបស់ពួកគេរយៈពេល ៨ថ្ងៃ នៅសមុទ្រចិនខាងត្បូង ហួសពីឆ្នេរសមុទ្រខេត្តក្វាងទុង ចាប់ពីថ្ងៃស្អែកនេះ។ នេះដោយយោងតាមសេចក្ដីរាយការណ៍របស់ Reuters ដែលបានដកស្រង់សម្ដីកងទ័ពជើងទឹកចិន។

Reuters ផ្សាយថា សមយុទ្ធនេះ បានកើតឡើងចំពេលដែលមានភាពតានតឹងខ្លាំង ជុំវិញដែនទឹកមានជម្លោះនោះ ក្រោយតុលាការមជ្ឈត្តកម្មនៅទីក្រុងឡាអេ បានសម្រេចកាលពីខែកក្កដាកន្លងមកថា ចិនពុំមានសិទ្ធិជាប្រវត្តិសាស្ត្រចំពោះសមុទ្រចិនខាងត្បូងនោះឡើយ ហើយរិះគន់ចំពោះបំផ្លាញបរិស្ថានរបស់ចិន នៅទីនោះ។ ប៉ុន្តែ ចិនបានច្រានចោលសាលក្រមនោះ និងបដិសេធចូលរួមក្នុងករណីនេះ។

កងទ័ពជើងទឹកចិន និយាយក្នុងសេចក្ដីប្រកាសព័ត៌មាននៅថ្ងៃនេះថា សមយុទ្ធ “សមុទ្ររួមឆ្នាំ ២០១៦” នឹងបង្ហាញនូវនាវាលើទឹក នាវាមុជទឹក យន្តហោះចម្បាំង ឧទ្ធម្ភាគចក្រ និងកងទ័ពជើងទឹក។

ប្រទេសទាំងពីរ នឹងហ្វឹកហាត់ការការពារ ការជួយសង្គ្រោះ និងប្រតិបត្តិការប្រឆាំងនាវាមុជទឹក ព្រមទាំងការដណ្ដើមកាន់កាប់កោះ និងសកម្មភាពដទៃទៀត៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ