វេជ្ជបណ្ឌិតរបស់លោកស្រី គ្លីនតុន ថ្លែងកាលពីថ្ងៃពុធម្សិលមិញថា សុខភាពរបស់បេក្ខជនប្រធានាធិបតីអាមេរិកមកពីគណបក្សប្រជាធិបតេយ្យរូបនេះបានប្រសើរឡើងវិញ ហើយអាចបន្តយុទ្ធនាការរកសំឡេងគាំទ្របានដូចធម្មតា។
កាលពីថ្ងៃទី១១ខែកញ្ញា លោកស្រី គ្លីនតុន ត្រូវជំងឺរលាកសួតទុក្ខខ្លាំង ពេលដែលលោកស្រីចូលរួមពិធីរំឭកការវាយប្រហារមជ្ឈមណ្ឌលពាណិជ្ជកម្មពិភពលោក ហើយលោកស្រីចាកចេញមុនកម្មវិធីនោះចប់។
ការប្រកាសរបស់អំពីសុខភាពរបស់លោកស្រី គ្លីនតុន ពេលនេះធ្វើឡើងស្របពេល លោក ឌូណល ឌ្រាំ គូប្រជែងរបស់លោកស្រី បានប្រកាសតាមប្រព័ន្ធផ្សព្វផ្សាយពីស្ថានភាពសុខភាពរបស់លោកមានភាពល្អប្រសើរ។
បេក្ខជនប្រធានាធិបតីអាមេរិកទាំងពីរគឺជាមនុស្សដែលមានវ័យចាស់ជាងដែលមិនធ្លាប់មានការប្រកួតប្រជែងសម្រាប់សេតវិមាននៅពេលកន្លងទៅ។ ពេលនេះប្រព័ន្ធផ្សព្វផ្សាយកំពុងចាប់អារម្មណ៍លើព័ត៌មានបញ្ហាសុខភាពរបស់ពួកគេ។ លោកស្រី ហ៊ីលឡារី គ្លីនតុន បច្ចុប្បន្នអាយុ៦៩ឆ្នាំ ចំណែកលោក ឌូណល ឌ្រាំ មានអាយុ៧០ឆ្នាំ៕
