សមត្ថកិច្ចបាននាំខ្លួនលោក នី ចរិយា អគ្គលេខាធិការរង គ.ជ.ប ទៅចូលរួមសវនាការនៅសាលាដំបូងរាជធានីភ្នំពេញនៅព្រឹកនេះ ដើម្បីជំនុំជម្រះក្តីពាក់ព័ន្ធនឹងបណ្តឹងមន្ត្រីតុលាការខេត្តសៀមរាប២រូបប្តឹងលោកពីបទបរិហារកេរ្តិ៍។
លោក នី ចរិយា ត្រូវបានសមត្ថកិច្ចបញ្ជូនទៅដល់សាលាដំបូងនៅម៉ោងជាង៨ព្រឹកនេះក្នុងសម្លៀកបំពាក់ពណ៌ទឹកក្រូចនិងដៃមានជាប់ខ្នោះផង។
ព្រះរាជអាជ្ញារងលោក សុក កែវបណ្ឌិត និងលោក គី ឬទ្ធី ជាចៅក្រមស៊ើបសួរនៃសាលាដំបូងខេត្តសៀមរាប បានប្តឹងលោក នី ចរិយា កាលពីពាក់កណ្តាលឆ្នាំ២០១៥ ពេលដែលលោក នី ចរិយា នៅជាអ្នកបម្រើការងារនៅសមាគមការពារសិទ្ធិមនុស្សអាដហុក។ បណ្តឹងនោះប្តឹងពីបទបរិហារកេរ្តិ៍ ពាក់ព័ន្ធលោក នី ចរិយា ចោទថាមន្ត្រីតុលាការខេត្តសៀមរាបចាប់ខ្លួនពលរដ្ឋអ្នកមានទំនាស់ដីធ្លីអយុត្តិធម៌៕
