រដ្ឋាភិបាលតៃវ៉ាន់បានស្នើឲ្យក្រុមហ៊ុន Google កុំបង្ហាញរូបភាពច្បាស់ពេក ចំពោះ កោះដែលខ្លួនកំពុងកសាងមូលដ្ឋានទ័ព ខណៈកោះនោះមានជម្លោះដណ្តើមគ្នា កាន់កាប់ជាមួយប្រទេសចិន។
កោះនោះតៃវ៉ាន់ឲ្យឈ្មោះថា Itu Aba ជាផ្នែកមួយនៃសម្ព័ន្ធកោះស្ព្រាតលីនៅសមុទ្រ ចិនខាងត្បូង ដែលកំពុងមានជម្លោះហើយកើតមានភាពតានតឹងខ្លាំង។ នេះបើតាមការចុះផ្សាយ របស់សារព័ត៌មាន BBC។
បើទោះជាកោះនោះកំពុងស្ថិតនៅក្រោមការគ្រប់គ្រងរបស់តៃវ៉ាន់ក៏ដោយ តែចិន វៀតណាម និង ហ្វីលីពីនសុទ្ធតែអះអាងថា ពួកគេក៏មានចំណែកលើកោះនោះដែរ។
ក្រុមហ៊ុន Google បានបង្ហាញរូបភាពចាប់ពីអាកាសថតតាមផ្កាយរណប ឲ្យឃើញហេដ្ឋារចនាសម្ព័ន្ធ មួយ ចំនួនដែលទើបកសាងឡើងថ្មីៗនេះ។
ប្រទេសមួយចំនួនមានជម្លោះលើបញ្ហាសមុទ្រចិននេះយូរណាស់មកហើយ ប៉ុន្តែវាទើប តែកើតមានភាពតានតឹងនៅប៉ុន្មានឆ្នាំចុងក្រោយនេះ។ ប្រទេសដែលកំពុងជាប់ពាក់ព័ន្ធ ក្នុង ជម្លោះ ដែននៅសមុទ្រចិនខាងត្បូងនេះ រួមមាន តៃវ៉ាន់ ចិន វៀតណាម ហ្វីលីពីន ម៉ាឡេស៊ី និង ព្រុយណេ។
