ហ្វីលីពីន​កំពុង​ប្រឈម​នឹង​ព្យុះ​ទីហ្វុង​សារិកា​បង្ក​មហន្តរាយ​ធំ​បំផុត

រូបភាពនៃដំណើរការខ្យុុះសារិកា​ដែល​ថតដោយ​ផ្កាយរណប(រូបភាពពីទីភ្នាក់ងារសារព័ត៌មាន Channel News Asia)

ក្រុមមន្ត្រីឧតុនិយមនិយាយនៅថ្ងៃនេះថា ហ្វីលីពីនអាចប្រឈមមុខនឹងមហន្តរាយធំបំផុតមិនធ្លាប់មាននៅឆ្នាំនេះ ខណៈដែលព្យុះទីហ្វុងសារិកា (ឈ្មោះប្រទេសកម្ពុជាដាក់ឲ្យ) ដែលកំពុងបោកបក់សំដៅទៅរកប្រទេសជួរកោះមួយនេះ។ នេះដោយយោងតាមការផ្សាយរបស់ Channel News Asia។

រូបភាពនៃដំណើរការខ្យុុះសារិកាដែលថតដោយផ្កាយរណប(រូបភាពពីទីភ្នាក់ងារសារព័ត៌មាន Channel News Asia)
រូបភាពនៃដំណើរការខ្យុុះសារិកាដែលថតដោយផ្កាយរណប(រូបភាពពីទីភ្នាក់ងារសារព័ត៌មាន Channel News Asia)

សារព័ត៌មានសិង្ហបុរីមួយនេះ ផ្សាយបន្តថា ព្យុះសារិកា ដែលកំពុងបោកបក់ក្នុងល្បឿន ១៨០គីឡូម៉ែត្រក្នុងមួយម៉ោងនោះ បានវាយបោកបក់បំផ្លាញបណ្ដាញអគ្គិសនី និងប្រព័ន្ធទូរស័ព្ទ នៅភាគខាងកើតនៃកោះ Catanduance។

មន្ត្រីឧតុនិយមហ្វីលីពីន បាននិយាយថា ខណៈដែលព្យុះនេះ មិនមែនជាព្យុះមានថាមពលខ្លាំងបំផុតដែលបោកបក់ប្រទេសហ្វីលីពីននៅឆ្នាំនេះ ព្យុះសារិកាអាចបង្កមហន្តរាយធ្ងន់ធ្ងរបំផុត ដោយសារវាបានបោកបក់ចំតំបន់មានប្រជាជនច្រើន នៅភាគខាងជើងទីក្រុងម៉ានីល។

ព្យុះសារិកា ត្រូវបានគេព្យាករថានឹងបោកបក់លើខេត្ត Aurora នៅឆ្នេរភាគខាងកើតនៃកោះ Luzon មុនព្រឹកថ្ងៃស្អែកនេះ ហើយនឹងបោកបក់កាត់ភាគកណ្ដាលកោះ Luzon មុននឹងឆ្ពោះទៅសមុទ្រចិនខាងត្បូង នៅល្ងាចថ្ងៃអាទិត្យស្អែកនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ