នគរបាលរបស់ចិនកំពុងតែស៊ើបអង្កេតស្រាវជ្រាវរកជាតិពុលនៅក្នុងសត្វក្ងានជាង២០០ក្បាល ក្នុងចំណោមក្ងានជាច្រើនទៀត ដែលងាប់នៅក្នុងបឹងមួយនៅភាគខាងជើងនៃប្រទេសជាប់ម៉ុងហ្គោលី។
នគរបាលដាក់ការសង្ស័យថា ជាតិពុលដែលមាននៅក្នុងសត្វក្ងានដែលបានងាប់ជាទ្រង់ទ្រាយធំនោះ ហាក់ដូចជាមានការលួចដាក់បំពុលពីក្រុមណាមួយ។ នេះបើតាមសារព័ត៌មានBBC។
សត្វក្ងានជាច្រើនដែលងាប់នោះគេរកឃើញនៅក្នុងបឹង Hongtu ជាកន្លែងពេញនិយមល្បីមួយ ដែលសត្វក្ងានផ្លាស់ទីទៅរស់នៅទីនោះឬ គេហៅថាបឹងក្ងាន។
អាជ្ញាធរចិនបានប្រកាសផ្តល់ប្រាក់រង្វាន់ចំនួន១០០ ០០០យ័នឬស្មើនឹងជាង១៤ ០០០ដុល្លារ សម្រាប់អ្នកដែលផ្តល់ពីដំណឹងប្រាប់ពីជនឬក្រុមដែលបានបំណុលនោះ៕
