សិទ្ធិមនុស្ស

សកម្មជនបរិស្ថានកូនភ្លោះត្រូវសមត្ថកិច្ចយាមព្រំដែនកម្ពុជា-វៀតណាមឃាត់ខ្លួន

ដោយ វីអូឌី
| ២៨ តុលា ២០១៦
ម៉ោង ១០:៣៨

លោក⁣ ជុំ ហួ និង ជុំ ហួត ត្រូវសមត្ថកិច្ចយាមព្រំដែនកម្ពុជា-វៀតណាមឃាត់ខ្លួន (រូបភាពពីហ្វេសប៊ុកChum Hout Chum Hour)

សកម្មជនបរិស្ថានពីរនាក់បងប្អូនត្រូវសមត្ថកិច្ចនៅប៉ុស្តិ៍គរបាលយាមព្រំដែនក្អមសំណរ ឃាត់ខ្លួននៅព្រឹកនេះ ដោយមិនបានប្រាប់ពីមូលហេតុនោះទេ ខណៈពួកគេធ្វើដំណើរទៅមើលទីតាំងនៅក្នុងវត្តប៉ាក់ណាម។

នៅលើហ្វេសប៊ុកឈ្មោះ Chum Hout Chum Hour សរសេរថា នៅព្រឹកនេះ ពួកគេត្រូវបានសមត្ថកិច្ចព្រំដែននៅប៉ុស្តិ៍ក្អមសំណរ ស្ថិតក្នុងខេត្តកណ្តាល ជាប់ព្រំប្រទល់ជាមួយវៀតណាម បានឃាត់ខ្លួននិងប៉ុនប៉ងដកយកកាតអង្គការសហប្រជាជាតិពីពួកគេ (UN Card)។

វេលាម៉ោងប្រមាណ៧និង៣០នាទីព្រឹក មានការឃាត់ លោក⁣ ជុំ ហួ និង ជុំ ហួត នៅច្រកទល់ដែនកម្ពុជា-វៀតណាមត្រង់ច្រកក្អមសំណរ ក្នុងខណៈដែលលោកទាំងពីរអះអាងថា ពួកគេទៅពិនិត្យស្ថានការណ៍ជាមុន មុននឹងហែកឋិនទានទៅកាន់វត្តប៉ាក់ណាម។ រហូតដល់ម៉ោងជាង១០ព្រឹកនេះ នៅមិនទាន់ដោះលែងនៅឡើយ ហើយនគរបាលប៉ុស្តិ៍ក្អមសំណរ បញ្ជូនអ្នកទាំងពីរទៅបន្ទាយទាហានក្អមសំណរបន្ត៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។