អន្តរជាតិ

ឥណ្ឌានិងប៉ាគីស្ថានបណ្តេញអ្នកការទូតចេញដូចគ្នាចំពេលតានតឹងជម្លោះកាស្មៀរ

ដោយ វីអូឌី
| ២៨ តុលា ២០១៦
ម៉ោង ១១:១៥

ឥណ្ឌានិងប៉ាគីស្ថាននៅថ្ងៃព្រហស្បតិ៍ម្សិលមិញ បានប្រកាសបណ្តេញអ្នកការទូតចេញពីប្រទេសទៅវិញទៅមក ខណៈភាពតានតឹងខ្លាំងរវាងប្រទេសមានអាវុធនុយក្លេអ៊ែទាំងពីរនេះ លើជម្លោះនៅលើដែនដីក្នុងតំបន់កាស្មៀរ។

ឥណ្ឌាបានប្រកាសថា ការដែលខ្លួនបណ្តេញអ្នកការទូតប៉ាគីស្ថានចេញពីទីក្រុងញូដេលីនេះ ដោយសារតែអ្នកការទូតនោះរងការចោទថា ធ្វើសម្មភាពជាចារកម្មក្នុងការប្រមូលព័ត៌មានរសើបផ្សេងៗពីសុវត្ថិភាពជម្លោះនៅតាមព្រំដែនជាយូរមកហើយ។

កាលពីយប់ថ្ងៃព្រហស្បតិ៍ម្សិលមិញ រដ្ឋមន្ត្រីការបរទេសប៉ាគីស្ថានថ្លែងថា អ្នកការទូតឥណ្ឌាប្រចាំនៅប៉ាគីស្ថាន ឈ្មោះ Surjeet Singh ជាបុគ្គលដែលមិនគួរឲ្យរាប់អាន (persona non grata) និងតម្រូវឲ្យអ្នកការទូតរូបនេះចាកចេញពីប្រទេសក្នុងរយៈពេល៤៨ម៉ោង។

នគរបាលរបស់រដ្ឋធានីឥណ្ឌាបានថ្លែងថា អ្នកការទូតរបស់ប៉ាគីស្ថានត្រូវបានឃាត់ខ្លួនកាលពីថ្ងៃពុធនៅក្បែរសួនសត្វដេលី ជាកន្លែងដែលអ្នកការទូតរូបនោះ បានជួបជាមួយសមាគមឥណ្ឌា ដែលសមត្ថកិច្ចសង្ស័យថាជាការជ្រើសរើសចារម្ម៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។