តម្លៃទីផ្សារភាគហ៊ុន បានធ្លាក់ចុះកាលពីថ្ងៃម្សិលមិញ បន្ទាប់ពីមានព័ត៌មានថា FBI បានបើកការស៊ើបអង្កេតឡើងវិញទៅលើការប្រើប្រាស់អ៊ីម៉ែលផ្ទាល់ខ្លួនរបស់អ្នកស្រី ហ៊ីលឡារី គ្លីនតុន អំឡុងកាន់តំណែងរដ្ឋមន្ត្រីការបរទេស។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
AFP បន្តថា ទីផ្សារភាគហ៊ុនអាមេរិក មានដំណើរវិជ្ជមាននៅមុនដំណឹងថា ប្រមុខ FBI អាមេរិក លោក James Comey បានផ្ដល់ដំណឹងទៅសមាជិកសភាថា លោកនឹងចាប់ផ្ដើមការស៊ើបអង្កេតឡើងវិញ។
អ្នកស្រី គ្លីនតុន គឺជាជម្រើសដ៏ល្អសម្រាប់ទីផ្សារ ខណៈដែលោក ដូណាល់ ត្រាំ ត្រូវបានក្រុមវិនិយោគិនជាច្រើន ចាត់ទុកជាមនុស្សមិនអាចទាយទុកបាន។ ក្រុមអ្នកវិភាគនិយាយថា ដំណឹងនេះបានបង្កើនឱកាសសម្រាប់លោក ត្រាំ៕