អង្គការ UNICEF បានបង្ហាញរបាយការណ៍នៅថ្ងៃចន្ទនេះថា កុមារប្រមាណ៣០០លាននាក់ដែលកំពុងរស់នៅជាមួយខ្យល់ខាងក្រៅ កំពុងតែទទួលការប៉ះពាល់ខ្លាំងដល់ការរីកចម្រើនរបស់ពួកគេ រួមទាំងការវិវត្តនៃខួរក្បាលដោយសារការបំពុលបរិយាកាស។
របាយការណ៍សិក្សារបង្ហាញថា កុមារម្នាក់ក្នុងចំណោម៧នាក់នៅទូទាំងពិភពលោកបានរស់នៅជាមួយខ្យល់កង្វក់ប្រមាណ៦ម៉ោងក្នុង១ថ្ងៃ។ របាយការណ៍បញ្ជាក់ថា ការបំពុលបរិយាកាសកំពុងឈានមុខគេក្នុងការសម្លាប់កុមារ។ នេះបើតាមការចុះផ្សាយរបស់ទីភ្នាក់ងារសារព័ត៌មាន AFP។
UNICEF បានផ្សព្វផ្សាយករណីសិក្សានេះ១សប្តាហ៍មុន អង្គការហសប្រជាជាតិបើកកិច្ចប្រជុំពិភាក្សាពីការប្រែប្រួលអាកាសធាតុ ដែលដឹកនាំដោយប្រទេស Morocco ចាប់ផ្តើមពីថ្ងៃទី៧ដល់១៨ ខែវិច្ឆិកា។
ក្នុងរបាយការណ៍នៃការសិក្សានោះក៏បានជំរុញឲ្យលើកកម្ពស់សិទ្ធិនិងសុខមាលភាពរបស់កុមារ តាមរយៈការធ្វើសកម្មភាពកាត់បន្ថយការបំពុលបរិយាកាសទៅតាមប្រទេសនីមួយៗ។
Anthony Lake នាយកប្រតិបត្តិអង្គការ UNICEF ថ្លែងថា កុមារស្លាប់ដោយសារការបំពុលបរិយាកាសក្នុង១ឆ្នាំៗប្រមាណ៦០០ ០០០នាក់ និងធ្វើឲ្យប៉ះពាល់ដល់កុមារនៅទៅថ្ងៃអនាគតក្នុង១ថ្ងៃៗ មានរាប់លាននាក់ក្នុង១ថ្ងៃ។លោកថាការបំពុលបរិយាកាសក្រៅពីការធ្វើឲ្យប៉ះពាល់សួត ធ្វើឲ្យប៉ះពាល់ដល់ដំណើរការឈាមក្នុងខួរក្បាល និងប៉ះពាល់ដល់ការលូតលាស់របស់ខួរក្បាល៕
